អាមេរិក៖ តាមសេចក្ដីរាយការណ៍ របស់ភ្នាក់ងារសារពត៌មាន អាមេរិកបានអោយដឹងថា ពេលបច្ចុប្បន្ននេះមានកត្ដាជាច្រើនដែលបណ្ដាលអោយមានភ្លើងឆេះព្រៃ នៅសហរដ្ឋអាមេរិកជាញឹកញាប់។ គ្រោះមហន្ដរាយនេះបានបំផ្លិចបំផ្លាញធនធានព្រៃឈើ នៅរដ្ឋមួយចំនួនក្នុងសហរដ្ឋអាមេរិក ស្ទើរគ្នានសល់។
កត្តាដែលបណ្ដាលអោយភ្លើងឆេះព្រៃរួមមាន៖
១. ការជក់បារីរបស់ប្រជាពលរដ្ឋ
FBI ភាក់ងារស៊ីបអង្កេតផ្នែកព្រៃឈើ បានអោយដឹងថា ថ្មីៗនេះភ្លើងឆេះព្រៃនៅឯ Waldo Canyon ក្នុងរដ្ឋ Colorado នៅតែបន្ដឆេះនៅឡើយ។ ការឆេះព្រៃនេះបណ្ដាលអោយប្រជាជនប្រមាណជាង ៣០,០០០ នាក់ត្រូវជម្រៀសខ្លួនដើម្បីស្វែងរកកន្លែងសុវត្ថិភាព។ តាមការធ្វើស្ថិតិរបស់រដ្ឋភិបាលបានបញ្ចាក់ថាភ្លើងឆេះព្រៃដែលបណ្ដាលមកពីការជក់បារីរបស់ប្រជាពលរដ្ឋគឺធ្វើអោយឆេះព្រៃ មានទំហំប្រមាណជា ៥.៣៦ លាន acres (គិតត្រឹមឆ្នាំ ២០១១)។២. ការប្រើប្រាស់អាវុធជាតិផ្ទុះ
តាមសេចក្ដីរាយការណ៍របស់ Christain Science Monitor បានអោយដឹងថា ប៉ុន្មានខែកន្លងទៅនេះ ដោយសារមានការផ្ទុះអាវុធ ដូចជាការលួចបាញ់សត្វព្រៃ បានធ្វើអោយភ្លើឆេះព្រៃចំនួន ២០កន្លែង ដែលស្មើនឹង ៤០ miles ក្នុងតំបន់ភាគខាងត្បូងនៃរដ្ឋ SaltLake ត្រូវបានបំផ្លិចបំផ្លាញ។ ៣. ការធ្វើផ្លូវទេះភ្លើង
ខណៈដែលធ្វើកំណាត់ផ្លូវរទេះភ្លើង កម្មករភាគច្រើនតែងតែមានការធ្វេសប្រហែស ដែលពួកគេមិនបានយករនាំងបាំងអោយស្រួលបួល ដូច្នេះពេលផ្សារដែក កម្ទេចភ្លើងក៏ហើរទៅប៉ះធុងហ្គាស ឫព្រៃឈើតែម្ដង។ តាមសេចក្ដីរាយការណ៍ពី NBC បានអោយដឹងថា អង្គការ UnionPacific Railroad បានចំណាយថវិការរហូរដល់ ១០២ លានដុល្លារ នៅឆ្នាំ ២០០៨ ក្នុងទប់ស្កាត់ភ្លើងឆេះព្រៃ ដែលបណ្ដាលមកពីការធ្វើផ្លូវរទេះភ្លើងនេះ៕
ដោយ៖ សារិនប្រភព៖ msn