វាគឺជារឿងចម្លែកមួយដែលបានកើតឡើង ស្របពេលដែលម្តាយមួយរូបបានកើតកូននៅឯផ្ទះរបស់ខ្លួន កាលដែលកូនប្រុសរបស់គេមានអាយុត្រឹមតែ ៥ឆ្នាំប៉ុណ្ណោះបានក្លាយជាឆ្មបក្នុងការបង្កើតប្អូនប្រុសរបស់គេ។
ស្រ្តីនោះមានឈ្មោះថា Kelly Graves ដែលបានសំរាលកូននៅឯផ្ទះរបស់នាង ក្រោយពីបានបែកទឹកភ្លោះ ខណៈពេលនោះមានតែកូនប្រុសច្បងរបស់នាង ដែលមានអាយុត្រឹមតែ ៥ឆ្នាំបានចូលរួមក្នុងការជួយសំរាលនាង ដែលគេមានឈ្មោះថា Joby ។
ប៉ុន្តែនាងក៏បានបន្ថែមទៀតថា គេមិនត្រឹមតែដើរតួជាឆ្មបវ័យក្មេងប៉ុណ្ណោះទេ តែគេក៏បានជួយសង្គ្រោះជីវិតប្អូនប្រុសរបស់គេផងដែរ។ ដោយពេលនោះទងផ្ចិតរបស់ប្អូនប្រុសរបស់គេរុំជំពាក់ជាប់នឹងក ដែល មិនអាចអោយគេដកដង្ហើមបាន រំពេចនោះ Joby ក៏បានជួយសង្រ្គោះដោយបានធ្វើអោយទងផ្ចិតនោះ លែងជំពាក់ ហើយប្អូនប្រុសរបស់គេក៏បានដកដង្ហើមបានស្រួលជាធម្មតាវិញ។
លោកស្រី Graves បាននិយាយបន្ថែមផងដែរថា៖ កូនប្រុសច្បងរបស់ខ្ញុំពិតជាមានភាពក្លាហានមែនទែន ក្នុងអំឡុងពេលដែលស្ថិតនៅក្នុងស្ថានភាពបែបនោះ។ ខ្ញុំពិតជាមានមោទភាពចំពោះគេខ្លាំងណា់ស់ ។ នាងក៏បានរៀបរាប់ពីជីវិតនាង កាលដែលនាងកំពុងមានផ្ទៃពោះថា៖ Joby គឺពិតជាមានអារម្មណ៏សប្បាយចិត្ត ក្នុងការដែលគេនិងមានប្អុនប្រុសក្នុងពេលឆាប់ៗ ដោយគេបានដើរផ្សារជាមួយខ្ញុំ ដើម្បីទិញសំភ្ភារៈកូនង៉ែត ហើយគេក៏បានដាក់ឈ្មោះអោយប្អូនប្រុសរបស់គេដោយខ្លួនឯងថា៖ Harley ។
តើរឿងហេតុនោះបានកើតឡើងយ៉ាងដូចម្តេច? លោកស្រី Graves ក៏បានបញ្ជាក់ពីដំណើររឿងជាបន្តបន្ទាប់ដូចតទៅ៖ កាលពីថ្ងៃ ៨ ខែឧសភា លោកស្រីបានទៅចូលរួមកម្មវិធីរបស់មិត្តភក្តិ Joby នៅឯមជ្ឈមណ្ឌលកុមារក្នុងស្រុកមួយ លុះក្រោយមក ខណៈពេលដែលគាត់ត្រលប់មកផ្ទះឪពុកចុងរបស់នាងដែលមានឈ្មោះថា David Gledhill នាងក៏បានចាប់ផ្តើមឈឺពោះ។ ស្របពេលនោះឪពុកចុងបានដឹកមា្តយរបស់នាងទៅយកឥវ៉ាន់ពីផ្ទះរបស់នាងដែលនៅក្បែរនោះ ហើយ Joby ក៏បាននៅជាមួយម្តាយរបស់គេ ក្នុងការរង់ចាំឃើញប្អូនប្រុសរបស់គេ។
ដែលក្រោយមកនាងក៏បានឈឺពោះកាន់តែខ្លាំង ហើយនាងក៏សង្ឃឹមថា នាងបានទៅដល់មន្ទីរពេទ្យឆាប់ៗ ពេលដែលនាងបានដឹងថា ទឹកភ្លោះរបស់នាងបានបែកទៅហើយនោះ និងមានឈាមធ្លាក់មកផងដែរ។ ពេលនោះហើយដែល Joby គឺជាមនុស្សតែមួយគត់ដែលអាចជួយនាងបាន។ ពេលនោះទូរស័ព្ទក៏បានបន្លឺសម្លេង Joby បានរត់ទៅលើក កាលដែលត្រលប់មកមើលម្តាយវិញ ប្អូនប្រុសរបស់គេបានចាប់កំណើតបាត់ទៅហើយ ប៉ុន្តែជាអកុសល ប្អូនប្រុសរបស់គេពិបាកដកដង្ហើមយ៉ាងខ្លាំង និងស្ទើរតែផុតដង្ហើម ក៏ដោយសារទងផ្ចិតរុំជំពាក់ទៅនឹងករបស់គេ។
Joby ក៏បានសុំសេចក្តីអនុញ្ញាតពីម្តាយរបស់គេក្នុងការប៉ះទងផ្ចិតនោះ ដើម្បីធ្វើការជួយសង្រ្គោះដែលក្រោយមក គេបានធ្វើអោយទងផ្ចិតនោះលែងជាប់ជំពាក់ទៅនិងករបស់ប្អូនប្រុសគេ ហើយប្អូនប្រុសរបស់គេបានដកដង្ហើមស្រួលវិញ ជាធម្មតា។ លុះឪពុកម្តាយរបស់នាងបានមកដល់ ក៏បានបញ្ជូននាងទៅមន្ទីរពេទ្យ។
ជាចុងក្រោយ ម្តាយរូបនេះក៏បាននិយាយថា៖ ខ្ញុំពិតជាមានមោទនភាពចំពោះ Joby ខ្លាំងណាស់ហើយខ្ញុំក៏បានគិតថា អនាគតគេប្រហែលក្លាយជាឆ្មបម្នាក់ដល់ជំនាញទៀតផង តែពេលដែលនាងខ្ញុំសួរគេ គេបានបដិសេធ ហើយបែរជាឆ្លើយថា ចង់ធ្វើជាមន្រ្តីប៉ូលីសទៅវិញ៕
ដោយ ៖ មង្គលប្រភព ៖ dailymail