ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស ដេលីម៉ែល កាលពីវេលាល្ងាចម្សិលមិញ នេះ បានចេញផ្សាយអោយដឹងថាក្រុមមនុស្សដែលជាអ្នកធ្វើដំណើរតាមរថភ្លើងជាច្រើនសិប នាក់ មានពេលមួយនោះ បានផ្អើលនាំគ្នាសហការរីករាយ ក្នុងការរុញច្រានរថភ្លើងដែលមាន ទម្ងន់ដល់ទៅ ៣២ តោន អោយផ្អៀង ដើម្បីជាការជួយសង្គ្រោះស្រ្តីវ័យកណ្តាលម្នាក់ បន្ទាប់ពីបានជាប់គាំងទៅនឹងចន្លោះតូច ៨ អ៊ីង ពោលគឺ ចន្លោះរថភ្លើង និងជម្រាលផ្លូវដើរតែម្តង។
គួរបញ្ជាក់ផងដែរថា ស្រ្តីដែលជាជនរងគ្រោះរូបនោះ មានវ័យប្រមាណជាង ៣០ ឆ្នាំ ដោយ ឡែក ប្រភពសារព័ត៌មានដដែលបន្ថែមថា ករណីគ្រោះថ្នាក់ចៃដន្យខាងលើនេះ បានកើត ឡើងនៅឯស្ថានីយ៍រថភ្លើង JR Minami-Urawa station ភាគខាងជើង ទីក្រុងតូក្យូ ប្រទសជប៉ុន។
យ៉ាងណាមិញ បើនិយាយពីមូលហេតុដែលបានបណ្តាលអោយកើតមានឡើងនូវគ្រោះថ្នាក់ចៃដន្យមួយនេះ ព្រោះស្រ្តីជាជនរងគ្រោះ បានរអិលដួល និងជាប់ជើងចូលទៅក្នុងចន្លោះ ៨ អ៊ីង ដ៏តូចនោះតែម្តង។ ជាការពិត កម្លាំងសាមគ្គីពិតជាទទួលបានជោគជ័យ នោះគឺ ក្រុមមនុស្សដែលជាអ្នកធ្វើដំណើរដូចគ្នានោះ បាននាំគ្នាសហការគ្នា ដោយរុញច្រានរថភ្លើងនោះរួចអូសស្រ្តីជាជនរងគ្រោះចេញតែម្តង ។ គួររំឭកផងដែរថា បន្ទាប់ពីមានការជួយសង្គ្រោះភ្លាមៗ ស្រី្តជាជនរងគ្រោះ ក៏បានទាញចេញពីចន្លោះតូចនោះ ដោយមិនបានទទួលរងរបួសធ្ងន់ធ្ងរនោះទេ៕
ចងចាំ ៖ សាមគ្គីភាព រមែងតែងនាំមកនូវ ភាពជោគជ័យ ៕
ដោយ ៖ ពិសីប្រភព ៖ ដេលីម៉ែល