អង្គការ ណាសា បានចេញផ្សាយវីដេអូ មុខមាត់ពិត របស់ភពផែនដី ៣០ ឆ្នាំ ចុងក្រោយ

ព័ត៌មានអន្តរជាតិ ៖​  អង្គការ ណាសា បានចេញផ្សាយវីដេអូកាត់តមួយស្តីពីភាពប្រែប្រួលរបស់ភពផែនដី ក្នុងរយៈពេល​ ៣០ ឆ្នាំក្រោយនេះ ដែលវាពិតជាមានភាពខុសប្លែកនៅតាមតំបន់មួយចំនួនជាខ្លាំង      រួមមាន  ៖​ ទីក្រុងឌូបៃ  ទីក្រុង សៀងហៃ  ក៏ដូចជា ព្រៃទឹកភ្លៀងប្រទេសប្រេស៊ីលជាដើម នេះបើយោងតាមសេចក្តីរាយការណ៍ព័ត៌មាន របស់គេហទំព័របរទេស ស្កាយ ។

ប្រព័ន្ធផ្កាយរណប  បានចាប់យកនូវការវិវត្តន៍របស់ទីក្រុងឌូបៃ  ដោយបង្កើតបានជាក្រុងដ៏ទំនើបមួយ   ដែលក្នុងនោះរួមមានហេដ្ឋារចនាសម្ព័ន្ធ រូបវ័នជាច្រើន  សំណង់អាគារខ្ពស់ៗសណ្ឋាគារលំដាប់ថ្នាក់ផ្កាយ ក៏ដូចជារមណីយដ្ឋានលំដាប់ថ្នាក់ពិភពលោកផងដែរ។

លើសពីនេះ បើយើងងាកក្រឡេកទៅមើលទីក្រុង  Las Vegas ក៏មានការអភិវឌ្ឈន៍ផងដែរនាប៉ុន្មានឆ្នាំចុងក្រោយនេះ   ដោយបានពង្រីកនូវទឹកដី  ក៏ដូចជា សក្តានុពលរបស់ខ្លួន តែការព្រួយបារម្ភអំពើការបំពុលផ្សេងៗ ក៏ត្រូវបានចោទជាបញ្ហាផងដែរ។

លើសពីនេះ   អ្វីដែលគួរអោយខ្លាចនោះ គឹថា  ស្រទាប់ផែនដីកាន់តែមានការគំរាមគំហែងជាខ្លាំង តួយ៉ាង  ព្រៃទឺកភ្លៀងប្រទេសប្រេស៊ីល  កាន់តែរិចរិលទៅៗ បន្ទាប់ពីមានការកាប់បំផ្លាញ  ដែលខ្វះការពិចារណាទាំងនោះ ។  គួររំឭកផងដែរថា  វីដេអូនេះ  គឺជាសមិទ្ទផលស្នាដៃ របស់អង្គការ  ណាសា  ដោយមានការសហការចូលរួមពី  US  Geological Surveyក៏ដូចជា Google   ផងដែរ បន្ទាប់ពីមានការគួបផ្សំចូលគ្នា នូវរូបរាប់លានរូប ដែលបានប្រមាញ់បានតាមរយៈប្រព័ន្ធផ្កាយរណបទាំង ៨ ។ ខាងក្រោមនេះជាវីដេអូ តាមដានទស្សនាទាំងអស់គ្នាណា ៖

ដោយ ៖ រិទ្ធីប្រភព ៖ ស្កាយ