ព័ត៌មានអន្តរជាតិ ៖ បើយោងតាមសេចក្តីរាយការណ៍ព័ត៌មាន ដែលបានចេញផ្សាយដោយទំព័រសារព័ត៌មានបរទេស Happening កាលពីចុងខែវិច្ឆិកាកន្លងទៅនេះ បានបញ្ជាក់អោយដឹងថា លោកគ្រូម្នាក់ ត្រូវបានកាត់ទោស អោយដេកទ្រុងដែក រយៈពេល ៨ ខែ បន្ទាប់ពីបានរកឃើញថា គាត់បានសម្លាប់សត្វទន្សាយពីរក្បាលនៅក្នុងថ្នាក់ ដោយញញួរ កាលពីអំឡុងឆ្នាំ២០១០។
គួរបញ្ជាក់ផងដែរថា លោកគ្រូដែលត្រូវបានចោទប្តឹងរូបនោះ មានឈ្មោះថា Carlo Rando ជាពលរដ្ឋរស់នៅក្នុងក្រុងដ៏ធំទីពីររបស់អ៊ីតាលី គឺទីក្រុង Milan ។ គួររំឭកផងដែរថា ការធ្វើការចាប់ឃាត់ខ្លួន ក៏ដូចជា កាត់ទោសអោយដេកទ្រុងដែកនេះ អាចធ្វើទៅបានបន្ទាប់ពីសមាគមឃ្លាំមើលសិទ្ធសត្វអ៊ីតាលី LAV ( Italian animal rights association LAV ) បានដាក់ពាក្យបណ្តឹងទៅតុលាការ បន្ទាប់ពីមានការស្រាយបំភ្លឺ ពីសំណាក់សិស្សានុសិស្សដែលបានឃើញហេតុការណ៍នេះផ្ទាល់៕
ដោយ ៖ ពិសីប្រភព ៖ Happening