ព័ត៌មានអន្តរជាតិ ៖ បើយោងតាមសេចក្តីរាយការណ៍ ដែលបានចេញផ្សាយដោយទំព័រសារព័ត៌មានបរទេស ស្កាយ បានបញ្ជាក់អោយដឹងថា បុរសជនជាតិចិនស្រវឹងម្នាក់ ត្រូវបានរកអោយឃើញថា ហ៊ាននោះហ៊ាន ខណៈពេលដែលតោងឡើងបង្គោលខ្សែភ្លើង កំពស់ ៩ ម៉ែត្រដល់ទៅ ១៥ នាទី មុននឹងចុះមកក្រោមវិញ។
គួរបញ្ជាក់ផងដែរថា ភ្លាមៗនោះ ក៏មានការអន្តរាគមន៍ពីសំណាក់មន្រ្តីជំនាញមកពីអង្គភាពពន្លត់អគ្គីភ័យដោយព្យាយាមបញ្ជុះបញ្ជូលគាត់អោយចុះមកក្រោមវិញ ស្របពេលដែលចរន្តអគ្គីសនី ត្រូវបានកាត់ផ្តាច់ ដើម្បីជាការបង្ការកុំអោយបុរសស្រវឹងចិត្តសឿងរូបនោះ អាចនឹងឆក់ខ្សែភ្លើង។
បន្តិចក្រោយមក គាត់ក៏ត្រូវបានធ្លាក់ចុះមកក្រោម លើពោងសុវត្តិភាព ដែលត្រូវបានរៀបចំឡើងដោយក្រុមអ្នកជំនាញ។ ស្របពេលដែលមានមនុស្សម្នា ផ្អើលរោមមើលជាច្រើននោះបុរសស្រវឹងរូបនេះ បាននិយាយបញ្ជាក់ថា ខ្លួនមានអារម្មណ៍មិនសប្បាយចិត្តជាខ្លាំង ដែលជាហេតុធ្វើអោយ ស្រវឹងជោគបែបនេះ ។ ខាងក្រោមនេះ ជាវីដេអូ តាមដានទស្សនាទាំងអស់គ្នា ៖
ដោយ ៖ ពិសិដ្ឋប្រភព ៖ ស្កាយ