កាលពីពេលថ្មីៗនេះ គេហទំព័រ Daily Mail បានរាយការណ៍ ឱ្យដឹងថា កម្លោះម្នាក់ បានស្លាប់ នៅពេលព្យាយាមថតរូបខ្លួនឯង ជាមួយនឹងកាំភ្លើងខ្លីមួយដើម។
កម្លោះខាងលើ មានឈ្មោះថា Oscar Otero Aguilar អាយុ ២១ឆ្នាំ ជាជនជាតិ Mexico ។ អ្នកជិតខាងម្នាក់ប្រាប់ថា គាត់បានឮសម្លេងកាំភ្លើងផ្ទុះ និងសម្លេងស្រែក ភ្លាមនោះ គាត់ក៏បានទូរស័ព្ទហៅនគរបាល។ នៅពេលនគរបាល់មកដល់ Oscar Otero Aguilar មិនទាន់ស្លាប់នោះទេ ប៉ុន្ដែ កម្លោះនេះ បានដាច់ខ្យល់ស្លាប់ អំឡុងពេលដឹកទៅកាន់មន្ទីរពេទ្យ។
នគរបាល ឱ្យដឹងថា Oscar Otero Aguilar មិនបានដឹងថា កាំភ្លើងរបស់ខ្លួន បានដំឡើងគ្រាប់ហើយនោះទេ កម្លោះនេះ កាន់កាំភ្លើងចុះឡើង នៅក្បែរក្បាល ដើម្បីថតរូបខ្លួនឯង សម្រាប់បង្ហោះលើលើ Facebook ប៉ុន្ដែ ប្រហែលជាដោយសារស្រវឹងស្រា ទើបគាត់មិនអាចគ្រប់គ្រងស្ថានភាពបាន ហើយគ្រោះថ្នាក់ក៏បានកើតឡើង។
Aguilar គឺជាគ្រូពេទ្យសត្វម្នាក់ អាយុ ២១ឆ្នាំ នៅ Mexico City ។ បំណងរបស់ Aguilar គឺចង់ថតរូបខ្លួនឯង ឱ្យមានភាពអស្ចារ្យបំផុត តាមតែអាចធ្វើទៅបាន ប៉ុន្ដែ គំនិត និងចំណូលចិត្តនេះ បានសម្លាប់គាត់។ នៅលើទំព័រ Facebook របស់ Aguilar គេឃើញសុទ្ធតែរូបថតអួតខ្លួនឯង ជាមួយនឹងរថយន្ដទំនើប និងបណ្ដាស្រីស្អាតៗផងដែរ។
ប្រែសម្រួលដោយ ៖ តារាប្រភព ៖ Daily Mail