ប្តីប្រពន្ធមួយគូរលាក់កូនក្នុងកាបូប គេចពីប៉ូលិស អន្តោប្រវេសន៍

ប្តីប្រពន្ធជនជាតិអេហ្សីបមួយគូ ត្រូវបានចាប់ខ្លួនដោយសារតែ បានលាក់កូនរបស់ខ្លួននៅកន្លែងដ៏គ្រោះថ្នាក់មួយ   និងព្យាយាមគេចខ្លួន   បន្ទាប់ពីបុគ្គិលសន្តិសុខម្នាក់នៅអាកាសយានដ្ឋាន United  Arab Emirates  បានរកឃើញទារកអាយុ ៥ខែម្នាក់  នៅក្នុងកាបូបយួររបស់ពួកគេ។

យោងតាមប៉ូលិសម្នាក់ បានឱ្យដឹងថា ទារកនោះត្រូវបានគេរកឃើញ  ដោយម៉ាស៊ីនស្គេនកាំរស្មីអ៊ិច  នៅអាកាសយានដ្ឋានអន្តរជាតិ Sharjah   ដែលប្តីប្រពន្ធទាំងពីរបានធ្វើដំណើរឆ្លងកាត់។

ប៉ូលិស បានបន្តទៀតថា  ពួកគេបានធ្វើដំណើរមកដល់   អាកាសយានដ្ឋាន  UAE កាលពីថ្ងៃសុក្រសប្តាហ៍មុន   ប៉ុន្តែប៉ូលិសមិនអនុញ្ញាតឱ្យពួកគេចូលទីក្រុង   ដោយសារតែកូនរបស់ពួកគេមិនមានទិដ្ឋការសំរាប់ឆ្លងដែន។

បន្ទាប់មកពួកគេបានរង់ចាំរងរហូតដល់ថ្ងៃសៅរ៍  ក្រោយមកបុរសជាប្តីបានសំរេចចិត្តបញ្ចុះបញ្ចូលឱ្យប្រពន្ធរបស់ខ្លួនដាក់ទារកនោះ   ចូលទៅក្នុងកាបូបយួរដ៏តូចមួយដើម្បីគេចពីការត្រួតពិនិត្យរបស់ប៉ូលិសអន្តោប្រវេសន៍៕

ដោយ៖ វណ្ណៈប្រភព៖ CNN