អន្តរជាតិ ៖ តាមការអោយដឹងពីសារព័ត៌មានក្នុងស្រុករបស់ប្រទេសវៀតណាម ដែលបានចេញផ្សាយកាលពីល្ងាចម្សិលមិញនេះ បានបញ្ជាក់អោយដឹងថា អ្នកទេសចរតៃវ៉ាន់ ៥ រូប រួមមានទាំងក្មេងតូចផងដែរនោះ ត្រូវបានសម្លាប់ នៅឯឈូងសមុទ្រ Halong បន្ទាប់ពីមានឧបទ្ទេវហេតុលើដែនទឹកមួយនេះ ពោលគឺ នាវាទេសចរណ៍ដែលដឹកអ្នកទេសចរតៃវ៉ាន បានបុកគ្នាជាមួយនឺងនាវាធំមួយផ្សេងទៀត ខណៈពេលដែលពួកគេវិលមកចំណតវិញ បន្ទាប់ពីបានដើរទស្សនាចរលើដែនទឹកមួយនេះ ។
គួររំឮកផងដែរថា កាលពីឆ្នាំមុន ក៏មានឧបទ្ទេវហេតុគ្រោះថ្នាក់នៅលើឈូងសមុទ្រមួយនេះផងដែរដែលបានសម្លាប់មនុស្សដល់ទៅ ១២ នាក់ បន្ទាប់ពីនាវាមួយត្រូវបានលិច នាពាក់កណ្តាលអាធ្រាត្រដែលវាគឺជាការព្រួយបារម្ភមួយថ្មីផ្សេងទៀត ស្របពេលដែលឈូងសមុទ្រនេះ ត្រូវបានចាត់ចូលជាបេតិកភណ្ឌពិភពលោក៕
ដោយ ៖ រិទ្ធីប្រភព ៖ Channelnewsasia