ព័ត៌មានអន្តរជាតិ ៖ មនុស្សយ៉ាងហោចណាស់ ១១ រូប ត្រូវបានស្លាប់បាត់បង់ជីវិត ខណៈពេលដែល ៧០ នាក់ផ្សេងទៀតបានរងរបួស បន្ទាប់ពីរថយន្តផ្ទុកទៅដោយកាំជ្រួច បានផ្ទុះកាលពីថ្ងៃសុក្រកន្លងទៅ ពោលគឺភាគកណ្តាលទីក្រុងម៉ិចស៊ិក នេះបើយោងតាមសេចក្តីរាយការណ៍ របស់ទំព័រសារព័ត៌មានបរទេស CNN ដែលទើបតែបានចេញផ្សាយនាវេលាប៉ុន្មានម៉ោងមុននេះ។
លើសពីនេះទៅទៀត ប្រភពសារព័ត៌មានដដែលបានបញ្ជាក់បន្ថែមថា មូលហេតុដែលបានធ្វើអោយកើតមានឡើង នូវសោកនាដកម្មដ៏គួរអោយរន្ធត់មួយនេះ ក៏ព្រោះតែកាំជ្រួចបាញ់ខុសគោលដៅមួយ បានរេមកបាញ់ចំឡានដែលផ្ទុកទឹកដោយកាំជ្រួចមួយនេះ ហើយក៏បានផ្ទុះឆេះតែម្តង។
ដោយឡែក ភ្លាមៗនោះ ក៏មានការអន្តរាគមន៍ពីសំណាក់ភ្នាក់ងារមានសមត្តកិច្ច ដោយបានបញ្ជូនជនរងគ្រោះទៅកាន់មន្ទីរពេទ្យក្បែរនោះ ដើម្បីធ្វើការសង្គ្រោះជាបន្ទាន់៕
ដោយ ៖ ពិសិដ្ឋប្រភព ៖ CNN