គំនិតរចនាបទនៃ smartwatch បែបបុរាណ ដែលមានអេក្រង់ស្រស់ស្អាតនេះ ត្រូវបានបង្កើតឡើងដោយអ្នករចនាសេរី Gábor Balogh មកពីប្រទេស Hungary ហើយគាត់ក៏ជាមនុស្សម្នាក់ដែលចូលចិត្តនាឡេកាឆ្លាតវៃបែបនេះ។
នាឡេកាឆ្លាតវៃ នាពេលបច្ចុប្បន្នអាចត្រូវបានចែកចេញជាពីរប្រភេទ ៖ ទីមួយ គឺមានរចនាបទ
បែបទំនើប ដូចជារូបរាងរបស់ Pebble, Galaxy Gear ឬ Gear Fit ចំណែកប្រភេទទីពីរ គឺមានលក្ខណៈធម្មតា ដូចបណ្ដានាឡេកាដែលមាន Bluetooth របស់ Citizen, Casio និង Cookoo តែមានកម្មវិធីតិចជាងនេះ។ Pebble, Galaxy Gear ឬ Gear Fit ទទួលបានការចាប់អារម្មណ៍ជាខ្លាំងពីសំណាក់អ្នកប្រើប្រាស់ ប៉ុន្ដែ រូបរាងដ៏ធំ វែងរបស់វា អាចជាឧបសគ្គធំ សម្រាប់មនុស្សភាគច្រើន។ ដូច្នេះ ហេតុអ្វី smartwatch មិនមានរូបរាងដូចទៅនឹងនាឡាកាធម្មតា?
អ្នករចនាសេរី Gábor Balogh មកពី Hungary បានរចនានាឡេកាមួយប្រភេទ ដែលសង្ឃឹមថា វានឹងក្លាយជានាឡេកាអនាគត។ តាមពិត គំនិតរចនារបស់ Gábor Balogh គឺយកតាមលំនាំ នាឡេកា Havana របស់ក្រុមហ៊ុន Triwa (មានការអនុញ្ញាតពីក្រុមហ៊ុន) ហើយប្ដូរអេក្រង់មកជារាងមូល។
នៅពេលអ្នកផ្ទឹមនាឡេកានេះ ជាមួយស្មាតហ្វូនរបស់ខ្លួន ពេលនោះ icon ប្រហាក់ប្រហែលគ្នា នឹងបង្ហាញខ្លួន។ ខ្លឹមសារប្រកាស ផែនទី បទចម្រៀង នឹងបញ្ជូនពីទូរស័ព្ទ មកកាន់នាឡេកា។ ប្រសិនមិនចូលចិត្ត អ្នកអាចដោះកម្មវិធីនេះចេញ។
Balogh ឧទាហរណ៍ថា នាឡាការបស់ខ្លួន ក៏អាចនឹងមានប្រព័ន្ធមួយ ដូចទៅនឹងប្រព័ន្ធបញ្ជាសីតុណ្ហភាព Nest និង តេឡេគ្មានខ្សែ Airport Express របស់ Apple ។
អ្នកប្រើប្រាស់អាចបញ្ជា ឬ កែប្រែកម្មវិធីរបស់នាឡេកា តាមរយៈប៊ូតុង និងគែមរបស់អេក្រង់នៃនាឡេកា។ ប៊ូតុងទាំងនេះ អាចឱ្យអ្នក ចូលទៅមើលសារ មើលផែនទី មើលត្រីវិស័យ និងព្រឹត្តិការណ៍ក្នុងប្រតិទិន វាស់ចង្វាក់បេះដូង និងអានសារ ឬមើលអាកាសធាតុ និងលេងហ្គេមជាដើម។
ប៉ុន្ដែ Balogh គឺជាអ្នករចនា គាត់មិនមែនជាវិស្វករនោះទេ ដូច្នេះ គាត់សុំមិននិយាយដល់បញ្ហាបច្ចេកវិទ្យា។ គាត់សង្ឃឹមថា ថ្ងៃណាមួយ គំនិតរបស់គាត់ នឹងទទួលបានចំណាប់អារម្មណ៍ពីក្រុមហ៊ុនមួយ ដើម្បីប្រែក្លាយវាទៅជាផលិតផលពិត។
កម្មវិធីរោទ៍ និងហៅទូរស័ព្ទ
កម្មវិធី វាស់ចង្វាក់បេះដូង និងផ្ញើ
Lap Stop និងផែនទី
ស្ទង់អាកាសធាតុ និងចាក់ចម្រៀង
ប្រែសម្រួលដោយ ៖ តារាប្រភព ៖ Genk/Theverge