ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានអន្តរជាតិ CNN ដែលបានចេញផ្សាយកាលពីម្សិលមិញនេះ បានអោយដឹងថា កូរ៉េខាងត្បូងបានជួបគ្រោះធម្មជាតិសាជាថ្មីខណៈពេលដែលប្រទេសនេះ រងការប៉ះពាល់នៃការបោកបក់ព្យុះសានបា (Sanb) ។
គួរបញ្ជាក់ផងដែរថា ព្យុះកំណាចសានបា នេះ ត្រូវបានភ្នាក់ងារព្យាករណ៍ឧតុនិយមរកអោយឃើញថា វាមានល្បឿនដល់ទៅ ២៣២ គីឡូម៉ែត្រក្នុងមួយម៉ោងបានទៅដល់កូរ៉េខាងត្បូងកាលពីថ្ងៃទី១៧ កញ្ញា ដោយមានភ្លៀងធ្លាក់ខ្លាំង ដែលជាហេតុនាំអោយលុបចោលការហោះហើរនៃជើងយន្តហោះ នឹងផ្អាកការធ្វើដំណើររបស់នាវា ក៏ប៉ុន្តែពុំមានសេចក្តីរាយការណ៍ពីជនរងគ្រោះនៅឡើយទេ។
លើសពីនេះទៅទៀត របាយការណ៍ដដែលក៏បានបញ្ជាក់បន្ថែមផងដែរថា តំបន់ដែលទទួលរងឥទ្ធិពលខ្លាំងជាងគេ គឺនៅតាមតំបន់ប្រជុំកោះ ខណៈពេលដែលការព្យាករណ៍ពីភ្នាក់ងារឧតុនិយមបានលើកឡើងបែបនេះ៕
ដោយ ៖ រិទ្ធីប្រភព ៖ CNN