ព័ត៌មានអន្តរជាតិ ៖ ទីភ្នាក់ងារសារព័ត៌មានបរទេស ដឹមីរ័រ កាលពីវេលាល្ងាចម្សិលមិញនេះបានគូសបញ្ជាក់អោយដឹងថា ខ្លាឃ្មុំខ្មៅកំណាចមួយក្បាល ត្រូវបានរកអោយឃើញថាបានដើរចូលអុកឡុងបារ មួយកន្លែង តែសំណាងល្អ មិនមាននរណាម្នាក់ ទទួលរងរបួសនោះទេ ព្រោះតែវាដើរចូល បារ មួយនោះនាពេលនោះ។
គួររំឭកផងដែរថា ករណីដើរចូលអុកឡុង បារ មួយកន្លែងនេះ បានកើតឡើងនៅឯរដ្ឋ Co-lorado សហរដ្ឋអាមេរិក ពោលគឺ នៅក្នុងបារមួយកន្លែង ដែលមានឈ្មោះថា Lonigan’s Bar ដែលមានទីតាំងជិតឧទ្យានជាតិ Rocky Mountain National Park ។
យ៉ាងណាមិញ ប្រភពសារព័ត៌មានដដែល ក៏បានធ្វើកិច្ចសម្ភាសន៍ជាមួយប្តីប្រពន្ធមួយគូមានឈ្មោះ Dave និង Debbie Callahan ត្រូវជាម្ចាស់បារមួយកន្លែងនេះផងដែរថា ពិតណាស់ ពួកយើងមិនបានដឹងថា វាបានចូលមកអុកឡុកនោះទេ តែជាសំណាងល្អវាមិនធ្វើអោយរបស់របរ ក៏ដូចជាក្រុមមនុស្សទទួលរងរបួសនោះទេ ក៏ព្រោះតែវាចូលមកទីនេះនាពេលយប់ ហើយយើងអាចដឹងបានថា វាចូលអុកឡុកនោះតាមរយៈកាម៉េរ៉ាសុវត្ថិភាព នៅពេលព្រឹកឡើង៕
ដោយ ៖ រិទ្ធីប្រភព ៖ ដឹមីរ័រ