Facebook ដែលជាបណ្ដាញសង្គមធំបំផុតក្នុងពិភពលោក ថ្មីៗនេះ បានបញ្ចេញនូវមុខងារថ្មីមួយ អនុញ្ញាតឱ្យអ្នកប្រើប្រាស់ ប្រគល់សិទ្ធិកាន់កាប់គណនី Facebook របស់ខ្លួន ទៅឱ្យអ្នកផ្សេង នៅពេលខ្លួនបានបាត់បង់ជីវិត។
មុខងារនេះ ស្ថិតនៅក្នុងបញ្ជីគ្រប់គ្រងគណនី (Manage Your Account) នៃទំព័រជំនួយ (help)។ ក្នុងនោះ អ្នកត្រូវបានអនុញ្ញាតឱ្យជ្រើសរើសម្ចាស់គណនី Facebook ណាមួយដែលជាមិត្ត ឬជាញាតិរបស់អ្នក ដើម្បីឱ្យជួយគ្រប់គ្រងមុខងារមួយចំនួននៃទំព័ររបស់ Facebook របស់អ្នក ដូចជា រូបតំណាង រូបក្របមុខ។ល។ បន្ទាប់ពីអ្នកបានស្លាប់។
ក្រៅពីនេះ អ្នកប្រើប្រាស់ក៏អាចជ្រើសរើសមុខងារលុបគណនីរបស់ខ្លួន បន្ទាប់ពីបានបាត់បង់ជីវិត។ មុននេះ Facebook ក៏ធ្លាប់មានមុខមួយ ដែលជួយឱ្យអ្នករាល់គ្នា ប្រកាសអំពីការលាចាកលោករបស់អ្នកលេង Facebook ណាម្នាក់ផងដែរ។
បច្ចុប្បន្ន មុនងារនេះ ត្រូវបានគេដាក់ឱ្យប្រើប្រាស់នៅអាមេរិក
Vanessa Callison-Burch ដែលជានាយកផ្នែកផលិតផលរបស់ Facebook យល់ថា ៖ “មនុស្សរាល់គ្នា តែងមិនបានគិតដល់ប្រការនេះ រហូតដល់ពួកគេបានធ្លាក់ទៅក្នុងស្ថានភាពនៃការបាត់បង់”។
មុនងារនេះ មិនទាន់មានសម្រាប់ប្រទេសកម្ពុជានៅឡើយ
មុខងារប្រគល់មរតករបស់ Facebook នេះ បច្ចុប្បន្ន ត្រូវបានគេដាក់ឱ្យប្រើប្រាស់នៅអាមេរិក ហើយប្រទេសកម្ពុជា និងប្រទេសផ្សេងៗទៀត មិនទាន់មានមុខងារនេះនៅឡើយ។ ប៉ុន្ដែ ពេលដ៏ខ្លីខាងមុខ មុខងារនេះនឹងមាននៅទូទាំងពិភពលោក៕
ប្រែសម្រួលដោយ ៖ តារាប្រភព ៖ CNN/Internet