អន្តរជាតិ ៖ យោងតាមសេចក្តីរាយការណ៍ ពីអាជ្ញាធរជាតិចិន ប្រឆាំងនឹងឧបទ្ទេវហេតុគ្រោះអគ្គីភ័យ អោយដឹងថា កាលពីល្ងាចថ្ងៃអាទិត្យកន្លងទៅ អគ្គីភ័យមួយបានឆាបឆេះផ្សារមួយកន្លែង នាទីក្រុងសៀងហៃ ប្រទេសចិន ខណៈពេលដែលមកទល់នឹងពេលនេះ មនុស្ស ៦ នាក់ត្រូវបានស្លាប់បាត់បង់ជីវិត ស្របពេលដែលច្រើននាក់ផ្សេងទៀត ត្រូវបានបញ្ជូនទៅមន្ទីរពេទ្យក៏ព្រោះតែរងរបួសជាទម្ងន់។
គួរបញ្ជាក់ផងដែរថា ភ្លើងឆាបឆេះកាលពីថ្ងៃទី ៦ មករា វេលាម៉ោង ២០និង៣០នាទីក្នុងផ្សារលក់ដុំផលិតផលកសិកម្ម ស្ថិតនៅខណ្ឌពូដុង ក្រុងសៀងហៃ ។ ពួកអ្នកជួយសង្គ្រោះនៅបន្តតាមរកពួកអ្នករបួស ។ បើកទ្វារ២៤ម៉ោងលើ២៤ម៉ោងផ្សារនេះជាផ្សារបោះដុំធំជាង គេបំផុតនៅក្រុងសៀងហៃខាងលក់ផលិតផលកសិកម្ម។
ដោយឡែក បើនិយាយពីមូលហេតុពិត នៃការឆាបឆេះមិនទាន់បានដឹងច្បាស់នៅឡើយទេស្របពេលដែលយុទ្ធនាការនៃការស៊ើបអង្កេតនៅតែបន្តមាននៅឡើយ៕
ដោយ ៖ ពិសិដ្ឋប្រភព ៖ xinhuanet