អាមេរិក៖ តាមការអោយដឹងពីគេហទំព័រដេលីមែល ដែលបានចុះផ្សាយកាលពីថ្ងៃទី១២ ធ្នូម្សិលមិញនេះថា ទារកស្រីដែលមានវ័យ ៧ខែម្នាក់ ត្រូវបានក្រុមគ្រូពេទ្យជួយសង្រ្គោះដោយបានដកស្លាបសត្វ ចេញពីក្រោមគុំថ្គាមរបស់នាង។
ប្រភពដដែលបានអោយដឹងថា ក្មេងស្រីតូចម្នាក់នោះ មានឈ្មោះថា Mya Whittington រស់នៅក្នុងតំបន់ Hutchinson សហរដ្ឋអាមេរិក។ បើតាមការអោយដឹងពីឪពុកម្ដាយរបស់ក្មេងស្រីតូចនោះ គឺលោក Aaron និង Emma ថា៖ ដំបូងឡើយគាត់ស្មានតែកូនមុន ដែលកើតលើផ្ទៃមុខ ប៉ុន្តែប៉ុន្មានថ្ងៃក្រោយមក មុននោះចេះតែរីកធំឡើងៗ ហើយមានសភាពក្រហម គាត់ក៏បានបញ្ចូនកូនស្រីរបស់គាត់ ទៅកាន់មណ្ឌលសុខភាពភ្លាម។
ស្លាបសត្វដែលដកបាន
ក្មេងស្រីតូច ដែលមានអាយុ ៧ខែ
ពេលដែលទៅដល់មណ្ឌលសុខភាព Kansas ក្រុមគ្រូពេទ្យ ក៏ធ្វើការវិនិ្នឆ័យលើជម្ងឺភ្លាម បន្ទាប់មក គេក៏បានដកយកស្លាបសត្វ ដែលមានប្រវែង 2 inch ចេញពីថ្ពាមក្មេងស្រីតូចនោះបានជោគជ័យ។ លោកគ្រូពេទ្យម្នាក់ ដែលធ្វើការនៅទីនោះអស់រយៈពេល ២០ឆ្នាំ បាននិយាយថាខ្ងុំមិនដែលឃើញវាទេ ហើយខ្ងុំក៏មិនដឹងថា វាកើតពីអីដែរ៕
ដោយ៖ វត្ដីប្រភព៖ dailymail