ព័ត៌មានអន្តរជាតិ ៖ ស្ពានអាកាសកញ្ជក់ដំបូងគេបង្អស់របស់ពិភពលោក នឹងលេចចេញជារូបរាងឡើង មុនដំណាច់ឆ្នាំ ២០១៣ នៅក្នុងប្រទេសចិន នេះបើយោងតាមសេចក្តីរាយការណ៍ដែលបានចេញផ្សាយដោយទំព័រសារព័ត៌មានបរទេស rocketnews24 កាលពីពេលកន្លងទៅ។
លើសពីនេះទៅទៀត របាយការណ៍ដដែលបានបន្ថែមថា នេះគឺជាគំរោងថ្មីមួយផ្សេងទៀតរបស់ប្រទេសមហាអំណាចមួយនេះ ស្របពេលដែលវា គ្រោងនឹងចំណាយទឹកប្រាក់ក្នុងការសាងសង់ដល់ទៅ ៤១,៧ លានដុល្លារ ឯណោះ។
គួរបញ្ជាក់ផងដែរថា ស្ពានអាកាសកញ្ជក់មួយនេះ គ្រោងនឹងសាងសង់ឡើងនៅខេត្ត Hunanប្រទេសចិន ដែលជាតំណភ្ជាប់ពីកំពូលភ្នំពីរ ក្នុងប្រជុំភ្នំ Wulingyuan ស្របពេលដែលវាមានប្រវែង ៣៧០ ម៉ែត្រ ទទឹង ២,៣ ម៉ែត្រ និងមានរយៈកំពស់ដល់ទៅ ៤០០ ម៉ែត្រឯណោះ។
គួរបញ្ជាក់ផងដែរថា បើសិនណាសមិទ្ធផលមួយនេះលេចជារូបរាងឡើងមុនដំណាច់ឆ្នាំ ២០១-៣ មែននោះ វានឹងក្លាយជាស្ពានអាកាសកញ្ជក់វែងជាងគេ និងខ្ពស់ជាងគេរបស់ពិភពលោក៕
ដោយ ៖ រិទ្ធីប្រភព ៖ rocketnews24