ការទទួលទានដំណេកលក់ស្កប់ស្កល់ អាចធ្វើឱ្យមនុស្សគ្រប់រូប ពេលក្រោបពីដំណេកមានអារម្មណ៍ស្រស់ថ្លា មានកំលាំង និង ជឿជាក់ចំពោះខ្លួនឯង។ តើអ្វីទៅ ដែលអាចធ្វើឱ្យអ្នកទទួលទាន ដំណេកបានស្កប់ស្កល់ល្អ? មានវិធីជាច្រើន ដែលអាចជួយអ្នក ឱ្យទទួលទានដំណេកលក់ស្កប់ស្កល់ល្អ ដូចជា៖ ការទទួលទានថ្នាំងងុយដេក ប៉ុន្តែ ទទួលទានថ្នាំងងុយដេកច្រើនពេក គឺមិនល្អសំរាប់សុខភាព របស់អ្នកនោះទេ។ យើងសូមណែនាំអ្នកឱ្យ សាកល្បងទទួលទាននូវ ផ្លែឈើធម្មជាតិ មួយចំនួន ជំនួសវិញដែលមិននាំឱ្យមានផលប៉ះពាល់ចំពោះ សុខភាព និង អាចជួយអ្នក ឱ្យគេងលក់ស្កប់ស្កល់បានយ៉ាងមានប្រសិទ្ធិភាព។
ខាងក្រោមនេះ ជាប្រភេទអាហារដែលអាចជួយអ្នកឱ្យទទួលទានដំណេកលក់ស្កប់ស្កល់៖
១/ ផ្លែឈើរី៖ ជាប្រភេទផ្លែឈើម្យ៉ាង ដែលមានផ្ទុកនូវ សារធាតុម៉េឡាតូនីន ដែលអាចជួយទ្រទ្រង់ និង ការពារ រាង្គកាយមនុស្ស ឱ្យឆាប់ងងុយគេង និង ទទួលទានដំណេកបានស្កប់ស្កល់ល្អ។
២/ តែបៃតង៖ ជាប្រភេទរុក្ខជាតិ ធម្មជាតិម្យ៉ាង មានផ្ទុកទៅដោយ សារធាតុ theanine ដែលធ្វើឱ្យមនុស្ស ទទួលទានដំណេកបានលក់យ៉ាងស្កប់ស្កល់។ ចំណំា៖ ត្រូវទទួលទានតែបៃតងក្តៅ ១ថ្ងៃ ១ពែង។
៣/ ផ្លែចេក៖ ជាប្រភេទផ្លែឈើ ដែលសម្បូរណ៍ទៅដោយ សារធាតុប៉ូតាស្យូម និងម៉ាញេស្យូម ដែលជួយកាត់បន្ថយនូវ ការគិតច្រើន ធ្វើចលនារបស់សាច់ដុំបានសំរាក គ្រប់គ្រាន់ ដែលជាហេតុធ្វើឱ្យ មនុស្សទទួលទានដំណេកបានលក់ល្អ៕
ដោយ៖ វណ្ណៈប្រភព៖ eatingwell