អាមេរិក៖ តាមការអោយដឹងពីគេហទំព័រដេលីមែល ដែលបានចុះផ្សាយ កាលពីពេលថ្មីៗនេះថា នៅឯលើកោះមួយ នៅសហរដ្ឋអាមេរិកឯណ្ណោះវិញ គឺមានសត្វគោព្រៃមួយក្បាលបានរូចចេញពីសួនសត្វ ហើយបានបង្កអោយមានការភិតភ័យយ៉ាងខ្លាំង ដល់មនុស្សម្នា ខណៈដែលគោព្រៃធំនោះបាន ដេញជល់គេឯង។
ប្រភពខាងលើ បានអោយដឹងថា រឿងរ៉ាវដែលគោព្រៃខ្មៅធំ ដេញជល់មនុស្សនេះ គឺបានកើតឡើងនៅលើកោះ State Park រដ្ឋ Utash សហរដ្ឋអាមេរិក។ លោក John Sullivan ដែលជាអ្នកធ្វើការនៅលើកោះនោះ បាននិយាយថា សត្វគោព្រៃធំខ្មៅនេះ បានបុកទម្លោះរបងសួនសត្វដែលនៅក្បែរកោះនោះ រួចហើយក៏បានមកដេញជល់គេឯង តែម្ដងទៅ។
លោក John បាននិយាថា បុរសម្នាក់ពិតជាមានសំណាងមែន ព្រោះខណៈដែលបុរសនោះកំពុងតែឈរ ស្រាប់តែគោព្រៃនោះ រត់មកបុកជល់ផ្ទប់ជាមួយរបងតែម្ដង តែដោយសំណាងល្អ បុរសនោះ បានគេចទាន់ ហើយរត់អោយគេជួយ។
ទោះបីជាយ៉ាងណាក៏ដោយ ក៏ក្រុមអ្នកធ្វើការនៅសួនសត្វ បានតាមចាប់សត្វកំណាចមួយនេះទៅវិញផងដែរ ដើម្បីកុំអោយបង្ករគ្រោះភ័យដល់អ្នកដំណើរទៀត៕
ដោយ៖ នារីប្រភព៖ dailymail