ព័ត៌មានអន្តរជាតិ ៖ ជាមួយនឹងការទទួលព័ត៌មានអោយដឹងថា ក្មេងតូចៗ ដែលជាសិស្ស សាលាបឋម ២២ រូប បានស្លាប់បាត់បង់ជីវិត ដោយសារតែពុលអាហារមានជាតិគីមីរបស់ សាលានោះ ពិភពលោក ក៏ដូចជាបណ្តាសារព័ត៌មានបានចាប់អារម្មណ៍ចុះផ្សាយ ក៏ដូច ជា សោកសង្រេងជាមួយនឹងការកើតមានឡើងនូវសោកនាដកម្មដ៏អាក្រក់មួយនេះ។
គួរបញ្ជាក់ផងដែរថា កាលពីម្សិលមិញ នាវាលាថ្មើរនេះ ទំព័រសារព័ត៌មានយើងខ្ញុំ បានចុះ ផ្សាយម្តងរួចមកហើយ ទាក់ទិនទៅនឹងសោកនាដកម្មមួយនេះដោយមានចំណងជើងថាខ្លោចចិត្ត ៖ សិស្សសាលាបឋម ២២ រូបស្លាប់ ក្រោយទទួលទាន អាហារមាន សារធាតុពុល របស់សាលា (មានវីដេអូ) ។
យ៉ាងណាមិញ មកទល់នឹងខណៈនេះ បើតាមការអោយដឹង ពីគេហទំព័រសារព័ត៌មានបរទេស អាស៊ីវ័ន ទើបតែបានចេញផ្សាយអោយដឹងថា ក្មេងៗដែលត្រូវបានស្លាប់បាត់បង់ជីវិតទាំងនោះ ត្រូវបានយកទៅបញ្ជុះហើយ ពោលគឺ យកទៅកប់នៅទីវាលមួយកន្លែង ដែលធ្លាប់តែជាទីវាលរត់លេងរបស់ពួកគេ កាលពីពេលកន្លងទៅ៕
ដោយ ៖ ពិសីប្រភព ៖ អាស៊ីវ័ន