ឥណ្ឌូណេស៊ី ៖ យ៉ាងហោចណាស់ ១៤ នាក់ស្លាប់ ខណៈ ១៤ នាក់ផ្សេងទៀត បានបន្តការបាត់ខ្លួន ស្របពេលដែលមនុស្ស ១០ នាក់ ត្រូវបានជូយសង្គ្រោះ បន្ទាប់ពីមានឧបទ្ទេវហេតុបាក់រលំផ្លូវកា្រមដី ក្នុងប្រទេសឥណ្ឌូណេស៊ី កាលពីសប្តាហ៍មុន នៅឯកន្លែងបណ្តុះបណ្តាលរុករករ៉ែក្រោមដីមួយកន្លែង នេះបើតាមការអោយដឹងពីក្រុមហ៊ុនរុករករ៉ែ ។
គួរបញ្ជាក់ផងដែរថា តួរលេខចុងក្រោយគឺបានមកពី PT Freeport Indonesia ដែលជាអង្គភាពគ្រប់គ្រង ក្រុមហ៊ុនរុករករ៉ែមាស ទង់ដែង លោហៈ ប្រាក់ នៅក្នុងតំបន់ ។ ដោយឡែក ប្រភពសារព័ត៌មានដដែល បានគូសបញ្ជាក់បន្ថែមអោយដឹងផងដែរថា ឧបទ្ទេវហេតុមួយនេះ បានកើតឡើងកាលពីថ្ងៃអង្គារកន្លងទៅ ចម្ងាយប្រមាណជាង ៥០០ម៉ែត្រ ពីច្រកចូលកន្លែងរុករករ៉ែ Big Gossan Mine ។
យ៉ាងណាមិញ បើយោងតាមសម្តីមន្រ្តីផ្លូវការ ឥណ្ឌូណេស៊ី បានអោយដឹងថា ករណីគ្រោះថ្នាក់បាក់រលំផ្លូវក្រោមដីមួយនេះ បានកើតឡើង បន្ទាប់ពីមានការរលំរអិលបាក់ដីកាលពីពេលកន្លងទៅ។ ទន្ទឹមនឹងនេះ បើយោងតាមសម្តី លោក Richard Adkerson ដែលជានាយកចាត់ការទូទៅ មកពីក្រុមហ៊ុន Freeport-McMoRan Copper & Gold បានបន្ថែមអោយដឹងថា លោកពិតជាមានសេចក្តីសោកសង្រេងជាខ្លាំង បន្ទាប់ពីបានដឹងថាកើតមានឡើងនូវសោកនាដកម្មមួយនេះ ហើយអ្វីដែលជាបេសកម្មជាបន្តនោះគឺថា ធ្វើយ៉ាងណា ត្រូវចេញការអន្តរាគមន៍ ជួយជនរងគ្រោះ អោយបានទាន់ពេលវេលា ដើម្បីធានាអោយបានថា ចំនួននៃជនរងគ្រោះដែលបានស្លាប់បាត់បង់ជីវិត និងមិនបន្តកើនឡើងខ្ពស់ជាងនេះ៕