ខ្លោចចិត្ត ៖ ៥ នាក់ស្លាប់ ព្រោះឧបទ្ទេវហេតុ បាក់ស្រុតប្រថពី មួយរំពេច

ចិន ៖ យ៉ាងហោចណាស់ មនុស្ស ៥ នាក់ ស្លាប់បាត់បង់ជីវិត  បន្ទាប់ពីមានឧបទ្ទេវហេតុបាក់ស្រុតផ្លូវមួយរំពេច កាលពីរាត្រីថ្ងៃច័ន្ទ កន្លងទៅនេះ នៅក្នុងខេត្ត Guangdong ភាគខាងត្បូងប្រទេសចិន ។

គួរបញ្ជាក់ផងដែរថា​​  ឧបទ្ទេវហេតុមួយនេះ   បានកើតឡើងកាលពីវេលាម៉ោងប្រមាណជាង    ៩ និង ១៩  នាទីយប់  ( ម៉ោងក្នុងស្រុកប្រទេសចិន ) នៅតាមផ្លូវមួយកន្លែង ក្នុងឧទ្យានជាតិ Huamao Industrial Park ក្នុងក្រុង Shenzhen ។

លើសពីនេះ   ប្រភពសារព័ត៌មានដដែលបន្ថែមថា  ភ្លាមៗនោះ ក៏មានការអន្តរាគមន៍ពីភ្នាក់ងារមានសមត្តកិច្ច  ដោយបានចុះអន្តរាគមន៍  ដល់កន្លែងកើតហេតុផ្ទាល់ ។ យ៉ាងណាមិញ   មកទល់នឹងវេលាម៉ោងប្រមាណជាង ៤ និង ៣០  នាទីម្សិលមិញនេះ  សាកសពមនុស្ស  ៥ នាក់​  ដែលត្រូវបានស្លាប់បាត់បង់ជីវិត  ត្រូវបានយកចេញពីបាតរណ្តៅដែលមានជម្រៅដល់ទៅ ៤ ម៉ែត្រនេះ៕

ដោយ ៖ ពិសិដ្ឋប្រភព ៖ chinadaily