ប៉ាគីស្ថាន ៖ យ៉ាងហោចណាស់ មនុស្ស ១៧ នាក់បានស្លាប់បាត់បង់ជីវិតយ៉ាងអណោចអធមបន្ទាប់ពីមានការបំផ្ទុះគ្រាប់បែកអត្តឃាត នៅតាមដងផ្លូវមួយកន្លែង ភាគខាងជើងប្រទេសប៉ាគីស្ថាន កាលពីថ្ងៃអាទិត្យម្សិលមិញនេះ នេះបើតាមការអោយដឹងពីអាជ្ញាធរក្នុងស្រុកប្រទេសប៉ាគីស្ថាន។
ការបំផ្ទុះគ្រាប់បែកអត្តឃាត ដែលត្រូវបានធ្វើឡើងតាម remote បញ្ជាពីចម្ងាយលើកនេះគោលដៅគឺធ្វើការវាយប្រហារ ទៅលើក្បួនរថយន្តយោធាប្រតិព័ន្ធ នៅក្បែរតំបន់ Peshawarប្រទេសនេះ។
លើសពីនេះទៅទៀត បើយោងតាមការដកស្រង់សម្តីមន្រ្តីផ្លូវការ របស់ប្រទេសនេះ លោកJaved Khan Marwat អោយដឹងថា មិនត្រឹមតែមានមនុស្សស្លាប់បាត់បង់ជីវិតជាច្រើននាក់នោះទេ តែក៏មានក្រុមមនុស្ស ៤២ នាក់ផ្សេងទៀតផងដែរ ដែលបានទទួលរងរបួសធ្ងន់ និងស្រាល ក្នុងករណីបំផ្ទុះគ្រាប់បែកអត្តឃាតមួយនេះផងដែរ។
យ៉ាងហោចណាស់ ជាតិរំសេវផ្ទុះ ដែលមានទម្ងន់ដល់ទៅ ៤០ គ.ក ត្រូវបានជនដៃដល់វេចខ្ចប់ និងរក្សាទុកនៅក្នុងរថយន្តមួយ ស្របពេលដែលបានធ្វើអោយវាផ្ទុះឡើងនៅពេលដែលមានក្បួនរថយន្តយោធា ធ្វើដំណើរឆ្លងកាត់នៅទីនោះ នេះបើតាមការអោយដឹងពីមន្រ្តីផ្លូវការរបស់ប្រទេសប៉ាគីស្ថាន៕
ដោយ ៖ រិទ្ធីប្រភព ៖ CNN