ទីក្រុងគ្រោះថ្នាក់បំផុតទាំង១០ក្នុងពិភពលោក

ទីក្រុង Ciudad Juarez របស់ Mexico មិនមានសង្គ្រាម ប៉ុន្ដែក៏ជាទីក្រុងមួយប្រកបដោយគ្រោះថ្នាក់បំផុតក្នុងពិភពលោក ព្រោះថា នៅទីនោះ មានឧក្រិដ្ឋកម្មជាច្រើនដែលទាក់ទឹននឹងការជួញគ្រឿងញៀន។

បណ្ដាទីក្រុងទាំង ១០ខាងក្រោមដែលត្រូវបានចាត់ចូលក្នុងបញ្ជីនៃទីក្រុងប្រកបដោយគ្រោះថ្នាក់បំផុតក្នុងលោកគឺដោយសារមូលហេតុផ្សេងៗគ្នា ដូចជាតែងតែកើតមានអំពើហឹង្សា អស្ថេរភាពផ្នែកនយោបាយ ឬឧក្រិដ្ឋកម្មគ្រឿងញៀនជាដើម។

១. Caracas (Venezuela)

ទីក្រុងនេះសម្បូរទៅដោយឧក្រិដ្ឋកម្ម ដោយសារតែការជួញដូរគ្រឿងញៀនតែងតែកើតមាននៅទីនេះព្រោះទីក្រុងនេះជាកន្លែងងាយស្រួលក្នុងការធ្វើសកម្មភាពខុសច្បាប់។ ចំណែកអំពើលួចប្លន់ក៏មានជាហូរហែរមិនថាថ្ងៃ ឬយប់។

២. Mogadishu (Somali)

បន្ទាប់ពីសង្គ្រាមអស់រយៈពេល ២ទសវត្ស ទីក្រុងនេះត្រូវបានបំផ្លាញយ៉ាងធ្ងន់ធ្ងរ។ រហូតមកទល់នឹងពេលនេះ នយោបាយនៅតែមិនមានភាពស្ថេរភាព។ អំពើហឹង្សាបានកើតឡើងជាបន្ដបន្ទាប់ និងបានធ្វើអោយក្រុង Mogadishu ក្លាយជាកន្លែងគ្មានសុវត្ថិភាព។ ទីក្រុងនេះក៏មិនមានច្បាប់ជាក់ស្ដែងណាមួយដើម្បីប្រឆាំងនឹងឧក្រិដ្ឋកម្មនោះដែរ។

ប្រជាជនជាច្រើនបានរត់ចេញពីទីក្រុងនេះដើម្បីភាពសុខសាន្ដរបស់ខ្លួន។

៣. Rio de Janeiro (Brazil)

ជាមួយនឹងឆ្នេរសមុទ្រស្រស់ស្អាត ប៉ុន្ដែទីក្រុងនេះមិនមានសុវត្ថិភាពនោះទេសម្រាប់អ្នកទេសចរណ៍។ទីក្រុងនេះមានអំពើឧក្រិដ្ឋកម្មច្រើន និងតែងកើតមានការជួញដូរគ្រឿងញៀន។

ចំពោះអ្នកដែលចូលចិត្តប្រទេសនេះ ល្អបំផុតគឺគួរតែចៀសវាងតំបន់សំបុកកណ្ដុរ និងមិនគួរចេញទៅក្រៅនៅពេលយប់។

៤. Grozny, Chechnya

ការខ្វែងគំនិតគ្នារវាង Chechnya និងរុស្ស៊ី ដែលបានផ្ទុះឡើងកាលពីឆ្នាំ ១៩៩០ និងបានអូសបន្លាយអស់ជាច្រើនទសវត្ស។ ការប៉ះទង្គិចនេះបានធ្វើអោយក្រុង Grozny ត្រូវរងការបំផ្លាញ។ ឆ្នាំ​២០០៦ ការប៉ះទង្គិចគ្នាត្រូវបានបញ្ចប់ ប៉ុន្ដែរហូតមកដល់ពេលនេះ ទីក្រុងមួយនេះនៅតែមានភាពរញេរញៃនៅឡើយ ដោយសារតែជាកន្លែងប្រមូលផ្ដុំទៅដោយក្រុមឧក្រិដ្ឋកម្ម។

៥. Ciudad Juarez (Mexico)

ទីក្រុង Ciudad Juarez របស់ Mexico មិនមានសង្គ្រាម ប៉ុន្ដែក៏ជាទីក្រុងមួយប្រកបដោយគ្រោះថ្នាក់ បំផុតក្នុងពិភពលោក ព្រោះថា នៅទីនោះ មានឧក្រិដ្ឋកម្មជាច្រើនដេលទាក់ទឹននឹងការជួញគ្រឿងញៀន ហើយនគរបាលមួយចំនួនធំក៏មានជាប់ទាក់ទឹននឹងអំពើជួញដូរគ្រឿងញៀននេះដែរ។

៦. Bogota (Colombia)

ទីក្រុង Bogota របស់ប្រទេស Colombia ក៏មានឈ្មោះនៅក្នុងតារាងនេះ ដោយសារតែអំពើជួញដូរគ្រឿងញៀន និងអស្ថេរភាពនយោបាយ។ ក្រុមភេរវនិយមបាន និងកំពុងព្យាយាមរកវិធីដើម្បីប្រឆាំងនឹងរដ្ឋាភិបាលនៃប្រទេសនេះ ដែលជាមូលហេតុធ្វើអោយទីក្រុង Bogota មិនមានសុវត្ថិភាព។

៧. Baghdad (Iraq)

Baghdad ក៏ជាទីក្រុងមួយដែលកំពុងមានបញ្ហានយោបាយ។ បណ្ដាក្រុមដែលដើរតាមមាគ៌ានយោបាយផ្សេង តែងរកវិធីដើម្បីបំផ្លាញ Baghdad ហើយការបញ្ជូនកងទ័ពអាមេរិកចូលមកទីក្រុងនេះក៏បានធ្វើអោយអំពើហឹង្សាកាន់តែកើនឡើង។

៨. Guatemala (Guatemala)

អាជ្ញាធរ និងកងកម្លាំងនគរបាលមួយចំនួនតូចបានបើកដៃអោយមានសកម្មភាពបំពានច្បាប់នានាក្នុងក្រុង Guatemala។ គំលាតរវាងអ្នកមាន និងអ្នកក្រនៅទីនេះកាន់តែធំឡើងៗ វាគឺជាមូលហេតុមួយដែលនាំអោយមានអំពើឆក់ប្លន់ និងអំពើហឹង្សា។

៩. San Pedro Sula (Honduras)

ទីក្រុងនេះមានឈ្មោះល្បីដោយសារអំពើឆក់ប្លន់ ជាពិសេសនៅពេលដើរតាមដងផ្លូវ អ្នកទេសចរណ៍ត្រូវតែមានការប្រុងប្រយ័ត្ន។ នៅទីនេះ ប្រជាជនមូលដ្ឋានក៏មានកាំភ្លើងដើម្បីការពារខ្លួន ដូច្នេះការខ្វែងគំនិតតូចតាចណាមួយក៏អាចឈានដល់ការបង្ហូរឈាម។

១០. Cape Town (អាហ្វ្រិកខាងត្បូង)

ទីក្រុងមួយនេះគឺជាទីតាំងទេសចរណ៍ដែលទាក់ទាញភ្ញៀវមកពីទូទាំងពិភពលោក ដោយសារតែសម្រស់ធម្មជាតិរបស់វា។ ប៉ុន្ដែទីក្រុងនេះនៅតែមានអំពើហឹង្សាកើតឡើងជាហូរហែរ។ នៅពេលដកប្រាក់ពី ATMអ្នកក៏ត្រូវតែប្រុងប្រយ័ត្ន ការឆក់ប្លន់អាចកើតមានប្រសិនអ្នកដកប្រាក់នៅពេលយប់ ឬមិនមានមនុស្សច្រើនទៅមក៕

ដោយ ៖ សូរីយ៉ាប្រភព ៖ Zing