អន្តរជាតិ ៖ បើយោងតាមសេចក្តីរាយការណ៍ របស់ទំព័រសារព័ត៌មានបរទេស អាស៊ីវ័ន ដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា បុរសម្នាក់ត្រូវបានចាប់ឃាត់ខ្លួន បន្ទាប់ពីត្រូវបានរកអោយឃើញថា បានគំរាមចាប់នាងទម្លាក់ពីជាន់ទី ១១ ។
គួរបញ្ជាក់ផងដែរថា ជនរងគ្រោះដែលជាស្រ្តីភេទពីររូប នឹងត្រូវបានគំរាមចាប់ទម្លាក់ពីជាន់ទី១១ នោះមានឈ្មោះថា Juliana វ័យ ២៥ ឆ្នាំ និង Koh Choon Lian វ័យ ៤០ ឆ្នាំ ។ ករណីខាងលើនេះ បានកើតឡើងកាលពីពេលកន្លងទៅ នៅឯប្រទេសសឹង្ហបុរី ។ លើសពីនេះទៅទៀតប្រភពសារព័ត៌មានដដែល បានបញ្ជាក់បន្ថែមអោយដឹងផងដែរថា បុរសចិត្តសឿង ដែលជាជាប់ជាប់ចោទរូបនោះ ក៏ដូចជាត្រូវជាសា្វមី Juliana កើតចិត្តច្រឡោតដល់ថ្នាក់គំរាមចាប់ទម្លាក់ភរិយារបស់ខ្លួន ក៏ព្រោះតែនាងបដិសេធទៅនឹងការទារប្រាក់ចំនួន ២០០០ ដុល្លារភ្លាមៗនោះ ក៏កើតមានជាជម្លោះតែម្តង។
ដោយឡែក មកទល់នឹងពេលនេះ ស្រ្តីជាភរិយាមិនត្រូវរកអោយឃើញថាមានរបួសអ្វីនោះទេខណៈពេលដែលបុរសជាស្វាមីត្រូវបានផ្តន្ទាទោសទៅតាមផ្លូវច្បាប់របស់ប្រទេសនេះ៕
ដោយ ៖ ពិសីប្រភព ៖ អាស៊ីវ័ន