ពណ៌ផ្កាឈូកខ្ចី រួមនឹងស្នាមគូរសេរីដែលមានពណ៌ស្វាយ ដែលជាពណ៌របស់ស្នេហា នឹងជួយធ្វើឱ្យក្រចកដៃរបស់អ្នក បញ្ចេញភាពស៊ីវិល័យបែបក្មេងវ័យ និងភាពជានារីទាន់សម័យ។អ្នកនឹងទទួលបានសម្រស់ដ៏ស្រស់ស្អាតនៃក្រចកដៃ ដើម្បីបង្អួតគ្នា នៅចុងរដូវក្ដៅឆ្នាំនេះ ដោយគ្រាន់តែធ្វើតាមការណែនាំបែបសាមញ្ញរបស់យើង ដូចខាងក្រោម!
សូមត្រៀម ៖
១/ ទឹកថ្នាំលាបក្រចក ពី ៤ ទៅ ៦ កូនដប ដែលមានពណ៌ក្នុងសេរីដូចគ្នា ចាប់ពីពណ៌ខ្ចី ដល់ពណ៌ចាស់
២/ ជក់តូចសម្រាប់គូរក្រចក ដែលមានក្បាលវែងប្រហែល ១០មម
៣/ ថ្នាំរលោង ១ដប
វិធីរចនា ៖
ជំហានទី ១ ៖ ប្រើថ្នាំដែលមានពណ៌ខ្ចីបំផុត លាបទៅលើក្រចកទាំងមូល។
ជំហានទី ២ ៖ ប្រើជក់ក្បាលវែង លាបពណ៌ចាស់បំផុត ទៅលើក្រចក ឱ្យមានរូបជាឆ្នូតតាមបណ្ដោយក្រចក។
ជំហានទី ៣ ៖ យកពណ៌ចាស់លេខ ២ លាបទៅលើក្រចក ឱ្យមានរូបជាឆ្នូតបណ្ដោយ ក្បែរឆ្នូតខាងលើ។
ជំហានទី ៤ ៖ បន្ដគូសដោយប្រើពណ៌ប្រភេទ លេខ ៣ ។
ជំហានទី ៥ ៖ លាបបន្ដដោយប្រើពណ៌ប្រភេទ លេខ ៤ ។
ជំហានទី ៦ ៖ លាបទឹកថ្នាំរលោងពីលើក្រចកទាំងមូល ជាការស្រេច។
គ្រាន់តែប៉ុន្មានជំហានដ៏សាមញ្ញនេះ អ្នកទទួលបានក្រចកដែលមានរចនាជាទឹកជ្រោះ សម្រាប់ចុងរដូវក្ដៅនេះហើយ!
ដោយ ៖ តារាប្រភព ៖ thenailasaurus