ស្ទើរតែមិនគួរអោយជឿ ៖ សារព័ត៌មាន បរទេស ចុះផ្សាយអោយដឹងថា ប៉ូលីស ប្រទេស កេនយ៉ា ត្រូវបានដាក់ពង្រាយ ក្នុងបេសកម្ម សម្រួលដល់ការស្ទះចរាចរណ៍ រយៈចម្ងាយ ឆ្ងាយដល់ទៅ ៥០ គ.ម នៅតាមបណ្តោយផ្លូវហាយវេ ពី ខេត្ត Mombasa ទៅកាន់ខេត្ត Nairobi ។
ប្រភពបញ្ជាក់អោយដឹងថា ផ្លូវហាយវេ មួយខ្សែនេះ គឺជាសរសៃឈាម នៃសេដ្ឋកិច្ច តំបន់អាហ្រ្វិក ភាគខាងលើ ដែលមានការតភ្ជាប់ផែសមុទ្រ Mombasa ទៅកាន់ប្រទេស Uganda, South Sudan និង Rwanda ជាដើម ។ អ្នកនាំ ពាក្យអោយ សារព័ត៌មាន ប៊ីប៊ីស៊ី អោយ ដឹងថា ហេតុផលចម្បង ដែលនាំអោយមានការកកស្ទះ និយាយ លែងចេញ ប្រការនេះ គឺបណ្តាលមកពី សកម្មភាពជួស ជុលផ្លូវឡើងវិញ បន្ទាប់ពីទទួលរងនូវ ការខូចខាតដោយសារ ជំនន់ទឹកភ្លៀង រយៈពេលប៉ុន្មានថ្ងៃចុងក្រោយនេះ នៅក្នុងប្រទេស កេនយ៉ា ។
របាយការណ៍ បញ្ជាក់ថា សរុប រថយន្ត ច្រើនជាង ១៥០០ គ្រឿង បា នកកស្ទះ ចរាចរណ៍រយៈ ចម្ងាយ ឆ្ងាយខ្លាំងលើកនេះ ដល់ទៅ ៥០គ.ម ដោយសកម្មភាពចរាចរណ៍ នៅទ្រឹង តិចបំផុត ៤៨ ម៉ោងឯណោះ ។ ជាការគូសបញ្ជាក់ដោយផ្ទាល់ ពីសំណាក់ ពលរដ្ឋក្នុងស្រុក ដែលជាអ្នកបើកបរ រថយន្តដឹកទំនិញ កកស្ទះ ចរាចរណ៍លើអោយដឹងថា ខ្ញុំដាច់បាយ ដាច់ទឹក ២ ថ្ងៃមកហើយ សូម្បី តែមុជទឹក ឬក៏ផ្លាស់ប្តូរសម្លៀកបំពាក់ ក៏គ្មានផង ៕
ប្រែសម្រួល ៖ កុសល
ប្រភព ៖ ប៊ីប៊ីស៊ី