ព័ត៌មានអន្តរជាតិ ៖ បើតាមការអោយដឹងពីទំព័រសារព័ត៌មានបរទេស សឹង្ហបុរី ដែលទើបតែបានចេញផ្សាយកាលពីពេលកន្លងទៅនេះ បានបញ្ជាក់អោយដឹងថា បុរសម្នាក់ត្រូវបានរកអោយឃើញថា បានស្លាប់បាត់បង់ជីវិត បន្ទាប់ពីបានស្រូប carbon monoxide ច្រើនហួសកំរិត ស្របពេលដែលផ្ទះរបស់គាត់ ត្រូវបានអគី្គភ័យលេបត្របាក់ ក៏ដោយសារតែមកពីការទុកកុំព្យូទ័រ (Laptop) ចោលនៅលើពូក ខណៈពេលដែលវាក្តៅហួសកំរិត និងបង្កជាអគ្គីភ័យតែម្តង។
គួរបញ្ជាក់ផងដែរថា អត្ថបទដែលបានចេញផ្សាយដោយទំព័រសារព័ត៌មានមួយនេះ ត្រូវបានបញ្ជូនបន្ត ពីសំណាក់អ្នកប្រើប្រាស់អ៊ើនធើណេត គោលបំណងចង់អោយទំព័រសារព័ត៌មានជួយផ្សព្វផ្សាយបន្ត ក៏ដូចជាការដាស់តឿនដល់មនុស្សរាល់គ្នា ដើម្បីជាបទពិសោធន៍យល់ដឹងមួយ។
លើសពីនេះទៅទៀត ប្រភពដដែលបានបន្ថែមថា បុរសដែលបានស្លាប់បាត់បង់ជីវិតរូបនោះ មានវ័យ ២៥ ឆ្នាំ ជានិស្សិត ពលរដ្ឋសឹង្ហបុរី ស្របពេលដែលអត្តសញ្ញាណពិតមិនទាន់បានបញ្ជាក់ច្បាស់នៅឡើយទេ៕
ដោយ ៖ រិទ្ធីប្រភព ៖ Singaporeseen