ព័ត៌មានអន្តរជាតិ ៖ បុរសជនជាតិបារាំងម្នាក់ ត្រូវបានចាប់ឃាត់ខ្លួន បន្ទាប់ពីយកខោក្នុងធ្វើជាស្រោមមុខ ដើម្បីជាបិទបាំង ក្នុងការចេញយុទ្ធនាការប្លន់ធនាគារបស់ខ្លួន នេះបើតាមការអោយដឹងពីគេហទំព័រសារព័ត៌មាន spy ដែលទើបតែបានចេញផ្សាយកាលពីវេលាមុននេះបន្តិច។
លោក Daniel Anfray បានធ្វើការគំរាមគំហែង បុគ្គលិកធនាគារមួយកន្លែង នៅក្នុងតំបន់Normandy ប្រទេសបារាំង ជាមួយនឹងកូនកាំបិទតូច ស្របពេលដែលគាត់បានពាក់នូវខោក្នុងពីលើក្បាល ជំនួសអោយស្រោមមុខ ខណៈចេញប្រតិបត្តិការ។
យ៉ាងណាមិញ ជាមួយនឹងការចាំអត្តសញ្ញាណបាន ពីសំណាក់បុគ្គលិកធនាគារនោះលោក Daniel Anfray នាខណៈនោះ ក៏ត្រូវបានចាប់ឃាត់ខ្លួន បន្ទាប់ពីមានការអន្តរាគមន៍ពីសំណាក់មន្រ្តីមានសមត្តកិច្ច។
ដោយឡែក មកទល់នឹងពេលនេះ បើតាមប្រភពសារព័ត៌មានដដែល បានគូសបញ្ជាក់អោយដឹងថា គាត់ត្រូវបានផ្តន្ទាទោសជាផ្លូវការហើយ ពោលគឺ កាត់ទោសអោយជាប់ពន្ធនាគារ ៨ ខែ៕
ដោយ ៖ រិទ្ធីប្រភព ៖ spy