កុលសម្ព័ន្ធ Yanomami ដុតមនុស្សស្លាប់ក្លាយជាផេះ រួចយកមកបរិភោគ

កុលសម្ព័ន្ធ Yanomami ត្រូវបានគេរកឃើញកាលពីឆ្នាំ ១៩២៩ នៅក្នុងព្រៃ Amazon ស្ថិតក្នុង
ប្រទេស Brazil ។ ចាប់តាំងពីត្រូវបានរកឃើញរហូតមកទល់នឹងបច្ចុប្បន្ន កុលសម្ព័​ន្ធនេះនៅ
តែរស់នៅក្នុងព្រៃជ្រៅ និងចិញ្ចឹមជីវិតដូចកាលពីរាប់ពាន់ រាប់ម៉ឺនឆ្នាំមុន។
តាមពិត អាជ្ញាធរមូលដ្ឋាន បានព្យាយាមប្រើគ្រប់មធ្យោបាយក្នុងការធ្វើអោយពួកគេបោះ
បង់ទំនៀមទំលាប់ហួសសម័យ និងប្រកប់ដោយភាពខ្វះអនាម័យរបស់កុលសម្ព័ន្ធនេះ ប៉ុន្ដែ
មិនបានសម្រេច ព្រោះថាកុលសម្ព័ន្ធនេះមិនចង់ទាក់ទងជាមួយពិភពខាងក្រៅ និងមិនចង់
បោះបង់ទម្លាប់របស់ខ្លួន។

កុលសម្ព័ន្ធ Yanomami នេះ​ មិនចេះដាំដុះ មិនចេះចិញ្ចឹមសត្វ ពួកគេតាំងអាស្រ័យទៅលើ
ធម្មជាតិទាំងស្រុង។
កុលសម្ព័ន្ធ Yanomami មានទម្លាប់ហួសសម័យជាច្រើន ក្នុងនោះប្រការដែលគួរអោយខ្លាច
បំផុតនោះគឺទម្លាប់ហូបផេះមនុស្សស្លាប់ ដោយពួកគេជឿទៅលើអបិយជំនឿជាច្រើន។ នៅ
ពេលមានមនុស្សម្នាក់បានស្លាប់ ពួកគេស្វែងរកវិធីដើម្បីរក្សាព្រលឹងនោះអោយនៅជាមួយ
ពួកគេ នោះគឺការធ្វើអោយរាងកាយមនុស្សស្លាប់អាចលាយបញ្ចូលជាមួយមនុស្សរស់។
ដូច្នេះ ដើម្បីធ្វើបានដូចខាងលើ នៅពេលមានមនុស្សម្នាក់ស្លាប់ ពួកគេក៏ចាប់ផ្ដើមធ្វើពិធីដុត
រាងកាយនោះអោយក្លាយជាផេះ រួចរើសយកឆ្អឹងមកបុកនឹងត្បាល់អោយម៉ត់ជាម្សៅ។បន្ទាប់
មក ពួកគេដាក់នៅក្នុងឃ្លោកស្ងួតទុកក្នុងផ្ទះ។
ក្រោយពីបានមួយឆ្នាំ ជនជាតិ Yanomami នេះនឹងយកម្សៅឆ្អឹងខ្មោចនោះមកធ្វើជាអាហារ
ច្រើនប្រភេទ ក្នុងនោះមានស៊ុបចេកផងដែរ។ ក្រៅពីនេះ ពួកគេក៏យកម្សៅឆ្អឹងនោះញាត់ចូល
ទៅក្នុងបំពង់ពក រួចហើយម្នាក់ចាំផ្លុំ និងម្នាក់ទៀតចាំហិតចូលតាមរន្ធច្រមុះ។
នៅក្នុងថ្ងៃបុណ្យរំឮកវិញ្ញាណក្ខ័ន្ធនេះ អ្នករាល់គ្នានឹងនាំគ្នាធ្វើនំ ដោយប្រើម្សៅឆ្អឹងខ្មោចធ្វើជា
គ្រឿងផ្សំ។ ពេលនំ ឬអាហារនោះឆ្អឹន ពួកគេទាំងប្រុស ទាំងស្រីនាំគ្នាបរិភោគដោយពេញចិត្ត
រហូតទាល់តែអស់។ មូលហេតុដែលនាំអោយពួកគេធ្វើបែបនេះ គឺដោយសារពួកគេមានជំនឿ
ថា ព្រលឹងអ្នកស្លាប់នឹងបាននៅក្បែរពួកគេជានិច្ច តាមរយៈការធ្វើអោយធាតុមនុស្សស្លាប់បាន
លាយបញ្ចូលទៅក្នុងរាងកាយមនុស្សរស់៕