ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស Voanews ដែលទើបតែបានចេញផ្សាយនាពេលកន្លងទៅ បានបញ្ជាក់អោយដឹងថា នាវាចិន ៤ គ្រឿងបានចូលទៅក្នុងដែនទឹកដែលជាប្រជុំកោះកំពុងមានជម្លោះ។
លើសពីនេះទៅទៀត បើយោងទៅតាមសម្តីរបស់រដ្ឋមន្រ្តីក្រសួងការបរទេសជប៉ុន Koichiro Gem-ba បាននិយាយបញ្ជាក់ កាលពីថ្ងៃអង្គារ អោយដឹងថា ចិនត្រូវដកថយនូវនាវារបស់ខ្លួនចេញជាបន្ទាន់ ខណៈពេលប្រជុំដែនកោះមួយនេះ កំពុងតែស្តិតនៅក្នុងស្ថានភាពក្តៅគគុកនៅឡើយ ។
គួររំឮកផងដែរថា នាប៉ុន្មានខែចុងក្រោយនេះ គ្រប់បណ្តាសារព័ត៌មាន បានលើកឡើង ក៏ដូចជាចេញផ្សាយទាក់ទិនទៅនឹងភាពតានតឹងរវាងប្រទេសមហាអំណាចអាស៊ីទាំង ២ នេះ បន្ទាប់ពីរដ្ឋាភិបាលជប៉ុនប្រកាសទិញយកប្រជុំកោះនេះ ពីឯកជនមក ខណៈពេលដែលប្រជុំកោះមានជម្លោះនេះ ជប៉ុនហៅប្រជុំកោះសេននាគូ ហើយចិនហៅ ឌីអាវយូ ត្រូវបានពួកគេអះអាងថា ស្ថិតនៅក្នុងដែនអធិបតេយ្យភាពរៀងៗខ្លួន៕
ដោយ ៖ រិទ្ធីប្រភព ៖ voanews