ព័ត៌មានអន្តរជាតិ ៖ ក្រោយពីបានតាមដានស៊ើបអង្កេត ក្នុងរយៈពេលប៉ុន្មានថ្ងៃចុងក្រោយមកនេះ បន្ទាប់ពីបានជួបនឹងឧបទ្ទេវហេតុធ្លាក់យន្តហោះ របស់ក្រុមហ៊ុនអាកាសចរណ៍Asiana នៅឯអាកាសយានដ្ឋានអន្តរជាតិ San Francisco ដោយបានសម្លាប់យុវតីស្រីដែលជាសិស្សសាលាឆ្នើមរបស់ចិនពីររូបនោះ គឺបណ្តាលមកពីយន្តហោះមួយគ្រឿងនេះបានបើកទៅបុកនឹងជ្រាំងសមុទ្រនៃអាកាសយានដ្ឋានអន្តរជាតិ វិនាទីពេលចុះចត បន្ទាប់ពីបន្ថែមល្បឿន នៅពេលដែលយន្តហោះបន្ទាបខ្លួន ទាបខ្លាំងពេក ហើយអ្វីដែលស្ទើរតែមិនគួរអោយជឿនោះគឺថា អ្នកបើកយន្តហោះមួយគ្រឿងនេះ ពុំទាន់មានបទពិសោធន៍ច្រើននោះទេ ក៏ព្រោះតែវាគឺការងារថ្ងៃដំបូងរបស់លោក ក្រោយពីបានបញ្ចប់វះហ្វឹកហ្វើន ( Train ) នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មាន Yahoo ដែលទើបតែបានចេញផ្សាយ កាលពីវេលាព្រឹកមិញនេះ។
គួរបញ្ជាក់ផងដែរថា ឧបទ្ទេវហេតុធ្លាក់យន្តហោះ របស់ក្រុមហ៊ុនអាកាសចរណ៍ Asiana មួយនេះ បានកើតឡើង កាលពីថ្ងៃសៅរ៍សប្តាហ៍កន្លងទៅ នៅឯអាកាសយានដ្ឋានអន្តរជាតិ San Francisco រដ្ឋ Carlifornia សហរដ្ឋអាមេរិក ដែលបានបណ្តាលអោយយុវតីស្រីវ័យ១៦ ឆ្នាំ ២ រូបបានស្លាប់បាត់បង់ជីវិត ខណៈរាប់រយនាក់ផ្សេងទៀតទទួលរងរបួសធ្ងន់ និងស្រាល ។ ខាងក្រោមនេះ គឺជាវីដេអូ 3D ក៏ដូចជាវីដេអូ នៃការធ្លាក់យន្តហោះពិតៗ ដែលត្រូវបានគេថតជាប់តាមរយៈកាម៉េរ៉ាទូរស័ព្ទដៃ ជ្រាបកាន់តែច្បាស់ តាមដានទស្សនាបន្តិចទៅ ៖
ដោយ ៖ រិទ្ធីប្រភព ៖ Yahoo