និស្សិតម្នាក់បានតែងខ្លួនជា ស៊ុន អ៊ូខុង តួអង្គក្នុងខ្សែភាពយន្ដបុរាណចិន “ថាងចេងចម្លងធម៌” ដើម្បីតម្រង់ជួរ ទិញសំបុត្ររថភ្លើង ទៅចូលឆ្នាំនៅឯស្រុកកំណើត។ សកម្មភាពចម្លែកនេះ ធ្វើឱ្យអ្នកដំណើរ មានការភ្ញាក់ផ្អែលជាខ្លាំង។
យោងតាមទំព័រ Sina ស៊ុន អ៊ូខុង បានបង្ហាញខ្លួន កាលពីថ្ងៃទី ២៥មករា កន្លងទៅ នៅចំណតរថភ្លើងក្រុងប៉េកាំង ហើយបានឈរតម្រង់ជួរ រង់ចាំទិញសំបុត្ររថភ្លើង ធ្វើដំណើរទៅស្រុកកំណើត ជួបជុំពុកម្ដាយ ក្នុងឱកាសបុណ្យចូលឆ្នាំចិន ដែលនឹងមកដល់នាពេលខាងមុខ។
បុរសដែលបានតុបតែងខ្លួនជា តួអង្គ ស៊ុន អ៊ូខុង នេះ គឺជានិស្សិតម្នាក់របស់សាលាភាពយន្ដក្រុងប៉េកាំង។ និស្សិតរូបនេះ បានថ្លែងថា ខ្លួនមកកាន់ចំណតរថភ្លើង គឺដើម្បីទិញសំបុត្រធ្វើដំណើរទៅស្រុក នៅឯខែត្រ Henan ប្រទេសចិន។
និស្សិតរូបនេះ សង្ឃឹមថា ការតុបតែងជាតួអង្គដ៏ល្បីឈ្មោះនេះ នឹងចួយឱ្យអ្នកដំណើរទាំងឡាយមានការសប្បាយរីករាយ នៅមុនពេលថ្ងៃចូលឆ្នាំចិនមកដល់។មនុស្សជាច្រើនបាននាំគ្នា ឈរមើល ស៊ុន អ៊ូខុង ហើយអ្នកខ្លះប្រើទូរស័ព្ទ ថតយកទិដ្ឋភាពដ៏គួរឱ្យសប្បាយនេះ។
តួអង្គ ស៊ុន អ៊ូខុង ក្រៅឆាកនេះ ត្រូវបានគេចាប់អារម្មណ៍យ៉ាងខ្លាំង តាំងពីពេលបង្ហាញខ្លួន នៅខាងក្រៅចំណតរថភ្លើង។
អត្ថបទសំខាន់ៗគួរចាប់អារម្មណ៍ ៖
លោកយាយ ចំណាស់ ៨០ ឆ្នាំម្នាក់ អាចអាវ៉ង់ បាន ១៥០ ដងក្នុងមួយថ្ងៃ មានសុខភាពល្អ ក្មេងស្ទាវៗ សុំខ្មាស់
មហាសេដ្ឋីហុងកុង បន្ថែមប្រាក់រង្វាន់ដល់ ១៣០លានដុល្លារ ដល់បុរសណាអាចឈ្នះចិត្តកូនស្រី
ប្រែសម្រួលដោយ ៖ តារាប្រភព ៖ ve/chinanews