ភ្ញៀវទេសចរណ៏ជនជាតិហូឡង់ម្នាក់ លោតសំលាប់ខ្លួនពីអគារកំពស់ ២០០ម៉ែត្រ

អ្នកទេសចរជនជាតិហូឡង់ម្នាក់ បានធ្វើអត្តឃាតដោយលោតពីអគារ Marina Bay Sands (MBS) Skypark កាលពីរសៀលម្សិលមិញនេះ ហើយនេះគឺជារឿងអាស្រូវដែលមានជាលើក ដំបូងចាប់តាំងពី Skypark នេះបានបើកដំណើរការជាផ្លូវការចាប់តាំងពីខែ មិថុនា ឆ្នាំ​២០១០។

បើយោងតាមសារពត៌មាន Shin MIn Daily របស់ចិន បានអោយដឹងថា៖ បុរសនោះត្រូវបានគេរកឃើញនៅឯវាលស្មៅពីមុខរមណីយដ្ឋាន ហើយត្រូវបានគេអះអាងថា គាត់បានស្លាប់បាត់ទៅហើយមុនពេលដែលក្រុមមន្រ្តីប៉ូលីសរបស់ប្រទេសសិង្ហបុរីបានមកដល់។ បុគ្គលិករបស់ MBS ជាង ១០ នាក់​ បានមកជួយអន្តរាគមន៏ក្នុងស្ថានភាពនោះ មុនពេលមន្រ្តីប៉ូលីសបានមកដល់។

             កន្លែងកើតហេតុ ដែលត្រូវបានហ៊ុមព័ន្ធដោយផ្ទាំងខ្មៅ

ក្រោយពេលក្រុមមន្រ្តីប៉ូលីស បានមកដល់ ពួកគេបានហ៊ុមព័ន្ធដោយប្រើផ្ទាំងខ្មៅនៅកន្លែងកើតហេតុ ដើម្បីធ្វើការស៊ីបអង្កេត។ បើយោងតាមសារពត៌មានដដែលបានអោយដឹងថា បុរសនោះមិនមែនជាភ្ញៀវនៅទីនេះទេ គឺគេជាភ្ញៀវមកពីសណ្ឋាគារក្បែរនោះ។ ភ្លាមៗនោះ មន្រ្តីរបស់ស្ថានទូតហូឡង់​ ប្រចាំប្រទេសសិង្ហបុរីបានមកដល់ នឹងមានមតិយោបល់ថា៖ សាកសពនេះត្រូវយកទៅ កន្លែងដាក់សាកសពជាបណ្នោះអាសន្នសិនដោយរឿងហេតុការណ៍នេះ គឺត្រូវស្ថិតនៅក្រោមការស៊ីបអង្កេត។

       អគារ Marina Bay Sands SkyPark ដែលមានកំពស់ជាង ២០០ម៉ែត្រ

គួរបញ្ចាក់ផងដែរថា អគារ Marina Bay Sands SkyPark នេះ​ មានកំពស់ខ្ពស់ជាង ២០០ម៉ែត្រទៅទៀត។

ដោយ ៖ រិទ្ធីប្រភព ៖ asiaone