ហូឡង់៖ តាមការអោយដឹងពីគេហទំព័រដេលីមែល ដែលបានចុះផ្សាយកាលពីពេលថ្មីៗនេះថា អាវពីងពាងមួយដ៏ទំនើប ត្រូវបានគេរចនាម៉ូតឡើងយ៉ាងពិសេស សម្រាបបំពាក់អោយនារីម្នាក់ ដែលមានរូបរាងស្អាតបាត និងស៊ិចស៊ី គឺក្នុងគោលបំណងថតខ្សែភាពយន្ដមួយ ដែលជាខ្សែភាពយន្ដ ទាក់ទងទៅនឹងសត្វពីងពាង។
ប្រភពដដែលបានអោយដឹងដែរថា អាវនេះ គឺនឹងត្រូវបំពាក់អោយនាង Anouk Wipprechtមានវ័យប្រហែលជា ២៤ឆ្នាំ ជនជាតិហូឡង់។ អ្វីដែលពិសេសនោះ គឺថា អាវពីងពាងដែលរចនាម៉ូត តាមបែបបច្ចេកវិទ្យាខ្ពស់នេះ គឺត្រូវបានរចនាដោយនាង Anouk Wipptechtនេះតែម្ដង។
Anouk Wipptecht សើ្ទរតែ ត្រូវបានគឺចាត់ទុកថាក្មេងស្រីទីមួយ ដែលមានភាពឆ្លាតវ័យហើយបានរៀនកាត់ម៉ូតសម្រៀកបំពាក់ តាមបែបបច្ចេកវិទ្យាទៀតផង។ Anouk Wippetecht បាននិយាយថា ការរចនាម៉ូតអាវនេះឡើង គឺមានការចូលរូមពីក្រុមការងារជាច្រើននាក់ដែរ។ អាវនេះត្រូវបានរចនាឡើងតាំងពីខែវិច្ឆិកា ២០១២ ហើយត្រូវរចនាតាម Vive le robots និងការចូលរូមយ៉ាងសកម្មពីលោក Viennese វិស្វករ Software។
Anouk Wipptecht បានបន្ថែមថា ទោះបីជាយ៉ាងណាក៏ដោយ ក៏អាវមួយនេះ មានការលំបាកក្នុងការពាក់វាដែរ ព្រោះតែវា ត្រូវបានដំណើរដោយគ្រឿងអេឡិចត្រូនិច ជាពិសេស គឺវាត្រូវពាក់មកជាប់ស្និទ្ធ ជាមួយនឹងសាច់យើងតែម្ដង៕
ដោយ៖ វត្ដីប្រព៖ dailymail