តៃយួន៖ ទីភ្នាក់ងារព័ត៌មានចិនស៊ិនហួ បានចេញផ្សាយនៅថ្ងៃពុធ ទី១០ ខែកក្កដា ឆ្នាំ ២០១៣ នេះថា កម្មករសំណង់ ១២នាក់ បានស្លាប់ និង ៧នាក់ ផ្សេងទៀត រងរបួសបន្ទាប់ពីផ្ទះស្នាក់នៅ បណ្តោះអាសន្នរបស់ពួកគេ ត្រូវជញ្ជាំងថ្មរលំសង្កត់ស្ថិតនៅខេត្តសានហ្ស៊ីភាគខាងជើងប្រទេសចិន នេះបើតាមការអះអាង ពីអាជ្ញាធរប្រចាំតំបន់។
គ្រោះថ្នាក់ខាងលើនេះ បានកើតឡើងនៅវេលាម៉ោង ៧ និង ៣០នាទីព្រឹកថ្ងៃពុធ ម៉ោងនៅក្នុង តំបន់ ស្ថិតនៅតំបន់ការដ្ឋាន សាងសង់ព្រមទាំងជា រោងចក្រសម្អាតរ៉ែ នៃក្រុមហ៊ុន ដាចេង លីយួន ខូអិលធីឌី។ ចំពោះមូលហេតុនៃការ រលំជញ្ជាំងនោះ អាជ្ញាធរប្រចាំសង្កាត់ សួរយ៉ាងកំពុងតែធ្វើការស៊ើបអង្កេតជាបន្តទៀត ប៉ុន្តែការសន្និដ្ឋានតំណាក់កាលដំបូង គឺវាអាចបណ្តាលមកពីព្យុះភ្លៀង ដែលបានកើតមានក្នុង តំបន់កាលពីពេលថ្មីៗនេះ។
គួរបញ្ជាក់ថា ក្រុមសង្គ្រោះត្រូវបាន គេបញ្ជូនទៅកាន់កន្លែង កើតហេតុហើយ ដើម្បីស្រាវជ្រាវ ព្រមទាំងសង្គ្រោះអ្នក នៅរស់រានមានជីវិត៕
ដោយ៖ ដើមអម្ពិលផ្តល់សិទ្ធិដោយ៖ ដើមអម្ពិល