ព័ត៌មានអន្តរជាតិ ៖ បើយោងតាមសេចក្តីរាយការណ៍ព័ត៌មាន របស់គេហទំព័របរទេស ស្កាយដែលទើបតែបានចេញផ្សាយ កាលពីព្រឹកមិញនេះ បានបញ្ជាក់អោយដឹងថា បុរសម្នាក់ដែលជាអ្នកទេសចរជនជាតិអង់គ្លេស ត្រូវបានរកអោយឃើញថា បានស្លាប់បាត់បង់ជីវិត នៅក្នុងប្រទេសថៃ ដោយសារតែគ្រាប់កាំភ្លើង អំឡុងដំណើរកំសាន្តទេសចរណ៍ឆ្លងឆ្នាំ ២០១៣ នៅលើកោះ Koh Phangan ។
គួរបញ្ជាក់ផងដែរថា បុរសដែលជាអ្នកទេសចរជនជាតិអង់គ្លេសរូបនោះ មានឈ្មោះថា Step-hen Ashton វ័យ ២២ ឆ្នាំ ។ លើសពីនេះទៅទៀត ប្រភពដដែលបានបន្ថែមថា ភ្ញៀវទេសចរអង់គ្លេសម្នាក់ត្រូវគេបាញ់សម្លាប់ នៅឆ្នេរសមុទ្យដ៏ល្បី មួយនៅប្រទេសថៃ ខណៈពេលដែលលោកកំពុងតែជប់លៀង កម្សាន្ដសប្បាយក្រោម ពន្លឺព្រះចន្ទភ្លឺថ្លា ក្រោយពីក្រុមជនពាលថៃបានឈ្លោះគ្នា។
មន្រ្តីមានសមត្តកិច្ចបញ្ជាក់ថា លោក Stephen Ashton ត្រូវបុរសថៃម្នាក់បាញ់សម្លាប់នៅឯកន្លែងលក់ស្រាមួយនៅកោះ Phangan ប៉ែកខាងត្បូងប្រទេស ស្របពេលដែល ប៉ូលិសជឿជាក់ថា ខ្មាន់កាំភ្លើងនោះបានបាញ់តម្រង់ទៅលើក្រុមជនពាលដែលជាគូ បដិបក្ខដទៃទៀត ក៏ប៉ុន្ដែគ្រាប់កាំភ្លើងបានទៅត្រូវចំទេសចរអង់គ្លេសរូបនេះទៅវិញ៕
ដោយ ៖ រិទ្ធីប្រភព ៖ ស្កាយ