គ្រូបង្វឹករបស់កីឡាករប្រដាល់ Manny Pacquiao គឺលោក Freddie Roach បាននិយាយប្រាប់លោក Pacquiao ឲ្យឈប់សម្រាកការប្រកួតប្រដាល់មួយរយៈ ចំនួន ៩ខែ បន្ទាប់ពីការបរាជ័យក្នុងការប្រកួតកាលពី សប្តាហ៍មុនេះ។
Pacquiao ត្រូវបានកីឡាករ Juan Manuel Marquez វាយឲ្យដួល នៅតឹកទី៦ នៅក្នុងការប្រកួតឯ Las Vegas កន្លងទៅនេះដែលជាព្រឹត្តិការណ៍មិនធ្លាប់កើតឡើងលើ Pacquiao។
រូបភាព៖ លោក Freddie Roach
លោក Freddie Roach បានសម្រេចចិត្តឲ្យ Pacquiao ឈប់សម្រាកពីការប្រកួតព្រោះចង់ឲ្យ Pacquiao សន្សំកម្លាំងឡើងវិញសម្រាប់ពេលប្រកួតក្រោយៗទៀត។ Roach បានមានប្រសាសន៍ថា “យើងត្រូវការពេលសំរាកសម្រាប់ Pacquiao ហើយយើងមិនគួរប្រញាប់ប្រញាល់ឲ្យ Pacquiao ឡើងប្រកួតពេកទេ។ ចំពោះខ្ញុំ បើសិន Pacquiao នឹងឡើងប្រកួតនាខែកញ្ញា ២០១៣ គឺដូចជានៅរហ័សពេកផង”៕
ដោយ៖ តុលា ប្រភព៖ espn