ចក្រភពអង់គ្លេស ៖ គេហទំព័រសារព័ត៌មានបរទេស Edvantage បានចេញផ្សាយអោយដឹងថាគ្រូស្រីវ័យ ៤១ ឆ្នាំម្នាក់ត្រូវបានកាត់ទោសអោយជាប់ទ្រុង បន្ទាប់ពីបានរកអោយឃើញថា ខ្លួនបានមានទំនាក់ទំនងរួមភេទ ជាមួយនឹងសិស្សប្រុសវ័យចន្លោះពី ១៥ ទៅ ១៧ ឆ្នាំ។
បើតាមរបាយការណ៍ដដែល បានបន្ថែមថា គ្រូស្រីដែលមានវ័យ ៤១ ឆ្នាំរូបនោះមានឈ្មោះថា Emma Webb ហើយក៏ម្តាយរបស់កូន ២ រូបផងដែរ ត្រូវបានរកអោយឃើញថា បានសារភាពទទួលកំហុសថា ខ្លួនពិតជាបានប្រព្រឹត្តិអំពើស្មោគគ្រោកនោះមែន ដោយនាងបានដេកជាមួយនឹងក្មេងប្រុសសិស្សសាលាដល់ទៅ ៣ នាក់ ក្នុងនោះ មានសិស្សប្រុសម្នាក់ត្រូវបានរកអោយឃើញថាធ្លាប់ដេកជាមួយនាងដល់ទៅ ១២ ដងឯណោះ។
លើសពីនេះទៅទៀត ទន្ទឹមនឹងការចោទសួររកដំណើរដើមទង នៃរឿងហេតុនេះ ក្នុងតុលាការ កាលពីថ្ងៃទី ៣០ ខែសីហា នាងបានសារភាពបន្ថែមផងដែរថា មានពេលមួយនោះ នាងពិតជាបានប្រព្រឹត្តិអំពើល្មោភកាមមួយនេះ ទៅលើសិស្សរបស់នាងពិតប្រាកដមែន តាមរយៈការស្ទើបអង្អែល ក៏ដូចជា តាមមាត់ផងដែរ។
ជារួម គ្រូស្រីល្មោភកាមម្នាក់នេះ ត្រូវបានកាត់ទោសសំរេច ថាតើត្រូវជាប់គុកប៉ុន្មានឆ្នាំ ដែលវានឹងត្រូវបានប្រកាសជាស្ថាពរនៅថ្ងៃទី ២៨ ខែកញ្ញា ខាងមុខនេះ បន្ទាប់ពីអង្គជំនុំជំរះរបស់តុលាការ៕
ដោយ ៖ រិទ្ធីប្រភព ៖ edvantage