គេហដ្ឋានដែលមានតម្លៃថ្លៃបំផុតលើលោក មានកំពស់ ២៧ជាន់ គឺជាទ្រព្យសម្បត្ដិរបស់មហាសេដ្ឋីឥណ្ឌា លោក Mukesh Ambani ។ ចំណែកគេហដ្ឋានដទៃទៀត មានតម្លៃដល់ទៅរាប់រយលានដុល្លារផងដែរ។ គេហដ្ឋានរបស់លោក Mukesh Antilla គេហដ្ឋានដែលមានកំពស់ ២៧ជាន់ និងមានកំពស់ ១៧៤ម៉ែត្រនេះ យកកញ្ចក់ធ្វើជាវត្ថុធាតុ ចម្បង។
នៅក្នុងគេហដ្ឋាននេះ មានបន្ទប់ហាត់ប្រាណមួយធំ មានចំណតរថយន្ដដែលអាចផ្ទុករថយន្ដ បានដល់ទៅ ១៥០គ្រឿង។ The Penthouse មានតម្លៃ ១៤០លានដុល្លារ
នៅក្នុងគេហដ្ឋានដែលមានតម្លៃ ១៤០ដុល្លារអាមេរិកនេះ មានបង្អួចកញ្ចក់ការពារគ្រាប់កាំភ្លើង ម៉ាស៊ីនពិនិត្យមើលអត្ដសញ្ញាណ ច្រកចេញពេលមានអាសន្ដ ព្រមទាំងមានកងអង្គរក្សការពារសន្ដិសុខប្រកប់ដោយជំនាញ។ Aaron Spelling’s Manor មានតម្លៃ ១៥០លានដុល្លារ
ដោយមានទំហំ ១៧.០០០ម២ Aaron Spelling’s Manor មានបន្ទប់គេង ១២៣ បន្ទាប់ ទីលានលេង tennis មួយ និងទីលានលេងស្គីទឹកកកមួយ កន្លែងលេង bowling និងអាងហែលទឹក។ William Randolph Hearst’s Mansion មានតម្លៃ ១៦៥លានដុល្លារ លោក William Randolph Hearst កំពូលអ្នកសារព័ត៌មាននៅអាមេរិកគឺជាម្ចាស់នៃគេហដ្ឋានThe Penthhouse នេះ។
ផ្ទះនេះស្ថិតនៅលើផ្ទៃដីដែលមានទំហំ ២,៤៣ហិកតា ក្នុងរដ្ឋ California សហរដ្ឋអាមេរិក។វីឡានេះមាន អាងហែលទឹក ៣ បន្ទប់គេងចំនួន ២៩ ព្រមទាំងបន្ទប់បញ្ចាំងកុនខ្នាតធំមួយ និងកន្លែងជប់លៀងមួយ។ Elena Franchuk’s Victorian Villa មានតម្លៃ ១៦១លានដុល្លារ
Elena Franchuk ត្រូវបានសាងសង់ឡើងក្នុងសង្កាត់ Kensington ក្រុង London ប្រទេស អង់គ្លេស។ គេហដ្ឋានដែលតម្លៃមាន ១៦១លានដុល្លារនេះ មាន ៥ជាន់ មានបន្ទប់គេងចំនួន១០ និងបន្ទប់បញ្ចាំងកុនមួយ បន្ទប់ហាត់ប្រាណមួយ និងអាងហែលទឹកមួយផងដែរ។ Dracula មានតម្លៃ ៨០លានដុល្លារ វិមាន Dracula ត្រូវបានគេយកមកធ្វើជាសារមន្ទីរចាប់តាំងពីឆ្នាំ ១៩៨០។ ប៉ុន្ដែបានប៉ុន្មានឆ្នាំក្រោយមក រាជបុត្រានៃប្រទេស Austria គឺព្រះអង្គម្ចាស់ Dominic បានប្រកាសលក់វិមាននេះក្នុងតម្លៃ ៨០លានដុល្លារ។
វិមាន Dracula ដែលត្រូវបានសាងសង់ឡើងនៅ Romania នេះ មាន បន្ទប់ទាំងអស់ ១៧ ដែលក្នុងនោះមានសម្ភារៈបុរាណប្រណិតៗ ពិបាកក្នុងការកាត់ថ្លៃ។ Updown Court មានតម្លៃ ១១៦លានដុល្លារ ភូមិគ្រឹះ Updown Court នេះមានទំហំធំជាងវិមាន Buckingham និងស្ថិតនៅក្នុងក្រុងឡុង។ វិមាននេះ មានតម្លៃដល់ទៅ ១១៦លានដុល្លារអាមេរិក។
ភូមិគ្រឹះ Updown Court មានបន្ទប់ ១០៣ កន្លែងបញ្ចាំងកុន និងអាងហែលទឹកចំនួន ៣ ព្រមទាំងមានទីលានបាលទាត់មួយផងដែរ៕
ដោយ ៖ សូរីយ៉ាប្រភព ៖ BG