ព័ត៌មានអន្តរជាតិ ៖ មនុស្ស ៧ នាក់ បានស្លាប់ ខណៈ ៩ នាក់ផ្សេងទៀត បានរងរបួស បន្ទាប់ពីរថយន្តក្រុងមួយ បានបោះពួយធ្លាក់ស្ពានអាកាស នៅឯប្រទេសប្រេស៊ីល នេះបើតាមការដកស្រង់ព័ត៌មាន ដែលបានចេញផ្សាយដោយគេហទំព័របរទេស ស្កាយ កាលពីប៉ុន្មានម៉ោងមុននេះ។
គួរបញ្ជាក់ផងដែរថា ភ្លាមៗនោះ ក៏មានការអន្តរាគមន៍ពីភ្នាក់ងារមន្រ្តីមានសមត្តកិច្ច ដោយបានចុះទៅដល់កន្លែងកើតហេតុភ្លាមៗ និងបានបញ្ជូនទៅជនរងគ្រោះទៅកាន់មន្ទីរពេទ្យក្បែរនោះ ដើម្បីធ្វើការសង្គ្រោះបន្ទាន់ផងដែរ ដោយឡែក បើនិយាយពីជនរងគ្រោះដែលបានស្លាប់បាត់បង់ជីវិត ក៏ត្រូវបានស្គាល់អត្តសញ្ញាណផងដែរ។
លើសពីនេះ ប្រភពសារព័ត៌មានដដែលបានបន្ថែមថា រថយន្តប៊ើសមួយនោះ បានក្រឡាប់ផ្ងាជើងទ្រមេឃ បន្ទាប់ពីធ្លាក់ពីលើស្ពានអាកាសមួយ កំពស់ ១៥ ម៉ែត្រ ។ យ៉ាងណាមិញ បើនិយាយពីមូលហេតុ ដែលបណ្តាលអោយកើតមាន សោកនាដកម្មមួយនេះ មិនទាន់បានដឹងច្បាស់នៅឡើយទេ ស្របពេលដែលវាកំពុងតែស្ថិត នៅក្រោមការតាមដាន ស៊ើបអង្កេតនៅឡើយ៕
ដោយ ៖ រិទ្ធីប្រភព ៖ ស្កាយ