ព័ត៌មានអន្តរជាតិ ៖ អ្នកកាសែតម្នាក់ ត្រូវបានរកអោយឃើញថា បានស្លាប់បាត់បង់ជីវិតព្រោះតាមប្រមាញ់ថតរូបឡាន Ferrari របស់ Justin Bieber ក៏ដោយសារតែ អំឡុងពេលនៃការតាមប្រមាញ់ថតរូបនោះ គាត់ត្រូវបានរថយន្តមួយផ្សេងទៀត បុក និង កិនស្លាប់ នេះបើតាមការអោយដឹងពីទំព័រសារព័ត៌មានបរទេស Happening ។
គួរបញ្ជាក់ផងដែរថា ឧបទ្ទេវហេតុគ្រោះថ្នាក់មួយនេះ បានកើតឡើងនៅឯមជ្ឈមណ្ឌល Getty Center រដ្ឋ Los Angeles សហរដ្ឋអាមេរិក។ បន្ទាប់ពីមានឧបទ្ទេវហេតុគ្រោះថ្នាក់មួយនេះ ការតាមដានស៊ើបអង្កេតក៏បានចាប់ផ្តើម ស្របពេលដែលប្រភពដដែលបន្ថែមថា អំឡុងពេលនៃការកើតមានឡើងឧបទ្ទេវហេតុលើកនេះ Justin Bieber មិននៅក្នុងឡាន Ferrariពណ៌ស របស់ខ្លួននោះទេ។
លើសពីនេះទៅទៀត ប្រភពដដែលបន្ថែមថា ជនរងគ្រោះរូបនោះ មានឈ្មោះថា ChrisGuerra វ័យ ២៩ ឆ្នាំ ត្រូវបានរថយន្តបង្កហេតុបុកស្លាប់ ម៉ាក Toyota Highlander SUV បន្ទាប់ពីឧបទ្វេវហេតុគ្រោះថ្នាក់ដ៏រន្ធត់មួយនេះ បានកើតឡើងកាលពីរាត្រីថ្ងៃអង្គារ កន្លងទៅនេះ៕
ដោយ ៖ រិទ្ធីប្រភព ៖ Happening