ក្រុមជំរើសជាតិអ៊ីតាលី ចាំបាច់ត្រូវតែរកគ្រាប់បាល់អោយបានច្រើនជាង 2គ្រាប់ឡើងទៅលើក្រុមជំរើសជាតិអៀរឡង់ ដើម្បីមានសិទ្ធិចូលប្រកួតបន្តនៅវគ្គជំរុះ1/4 ទៀត។
ពេលចូលប្រកួតជាមួយអៀរឡង់ គ្រូបង្វឹក Prandelli របស់ក្រុមជំរើសជាតិអ៊ីតាលីបានធ្វើការផ្លាស់ប្តូរទាំងកីឡាករ និងបច្ចេកទេសលេង។ ក្រៅពីការមានមុខរបស់កីឡាករ Di Natale, Abate, Barzagli... អ៊ីតាលីក៏បានបោះចោលនូវទំរង់លេង 3-5-2 ដែលតែងតែប្រើនៅក្នុងការប្រកួតមុនៗផងដែរ។ ដូច្នេះក្នុងរយះពេល 45នាទីដំបូង អ៊ីតាលីពុំមានប្រសើរជាងអៀរឡង់ប៉ុន្មានទេ។ ប៉ុន្តែអ្វីដែលពិសេសនោះគឺការរកបានគ្រាប់បាល់នាំមុខរបស់កីឡាករ Cassano នៅនាទីទី35 សំរាប់ក្រុមអ៊ីតាលី។
Cassano រកបានគ្រាប់បាល់ដំបូងឲ្យអ៊ីតាលី
ចូលដល់តង់ទី2 អ៊ីតាលីបង្កើនធ្វើការវាយសំរុកយ៉ាងខ្លាំង ជាមួយនឹងឱកាសរកគ្រាប់បាល់ក៏មានច្រើនដែរ។ ព្រោះដូច្នេះ ផ្នែកខាងក្រោមរបស់អ៊ីតាលីក៏មិនសូវមានសុវត្ថិភាពប៉ុន្មានដែរ។ ប៉ុន្តែជាសំណាងល្អ ក្រុមជំរើសជាតិអៀរឡង់ពុំមានគ្រាប់បាល់អ្វីដែលគ្រោះថ្នាក់ដល់អ៊ីតាលីទេ ផ្ទុយទៅវិញក្រោមការវាយសំរុកបានយ៉ាងល្អនោះ នៅនាទីចុងក្រោយនៃការប្រកួតអ៊ីតាលីក៏រកបានគ្រាប់មួយគ្រាប់បន្ថែមទៀតដោយកីឡាករ Balotelli ហើយនេះក៏ជាលទ្ធផលសំរេចការប្រកួតតែម្តង។បីពិន្ទុដែលទទួល គួបផ្សំនឹងក្រូអាតចាញ់អេស្បាញផងនោះ ក្រុមជំរើសជាតិអ៊ីតាលីមានសិទ្ធិចូលប្រកួតក្នុងវគ្គជំរុះ 1/4 បន្តទៀត៕
Video Highlight Goals Italy vs Ireland
លទ្ធផល៖ អ៊ីតាលី-អៀរឡង់ （2-0）រកបានគ្រាប់បាល់៖ Cassano (35), Balotelli (90)កីឡាករចូលប្រកួត៖
អ៊ីតាលី: Buffon; Abate, Barzagli, Chiellini, Balzaretti; Pirlo, Marchisio, Thiago Motta, De Rossi; Di Natale, Cassano. អៀរឡង់: Given; O'Shea, Dunne, St, Ledger, Ward; McGeady, Whelan, Andrews, Duff; Keane, Doyle.
ដោយ៖ ណាណូប្រភព៖ 24h