ព័ត៌មានកីឡា៖ ធ្លាប់បានប្រកាសរួចម្ដងទៅហើយ អំពីតារាងចំណាត់ថ្នាក់កំពូលកីឡាករល្បីៗលើពិភពលោកដែលមានចំណូលប្រចាំឆ្នាំខ្ពស់ជាងគេ ដែលក្នុងនោះមាន Floyd ឈលើចំណាត់ថ្នាក់ លេខ១ ប៉ាក់គីអៅ លេខ២ នឹង Ronaldo លេខ៣។ ប៉ុន្ដែសម្រាប់ការបង្ហាញលើកនេះ គឺបូកសរុបរួមគ្រប់វិស័យកម្សាន្ដ ដែលក្នុងនោះ មានរាប់បញ្ចូលទាំងតារាភាពយន្ដ ចម្រៀង ផងដែរ។
យោងតាមការចុះផ្សារបស់ទស្សនាវដ្ដីជំនួញមួយ ឈ្មោះថា Forbes បានចុះផ្សាយលាតត្រដាងឲ្យដឹងសមាសភាព ជនល្បីៗក្នុងវិស័យកម្សាន្ដ (កីឡា តន្ដ្រី និងខ្សែភាពយន្ដ..) លើពិភពលោក ដែលអាចរកប្រាក់ចំណួលបានខ្ពស់ជាងគេប្រចាំឆ្នាំ ដែលក្នុងនោះគឺមានសមាសាភាព ១០ រូបដែលត្រូវលើកយកមកបង្ហាញ។
ទី១. Floyd Mayweather មានអាជីពជាកីឡាករប្រដាល់ ដែលអាចរកចំណួលបានខ្ពស់ជាងគេប្រចាំឆ្នាំគឺមានចំនូនរហូតដល់ទៅ ៣០០ លានដុល្លារ។
ទី២. Manny Pacquiao មានអាជីពជាកីឡាករប្រដាល់ ដែលអាចរកបានប្រាក់ចំណូលបាន រហូដល់ទៅ ១៦០ លានដុល្លារ។
ទី៣. Katy Perry មានអាជីពជាតារាចម្រៀង និងសម្ដែង ជាជនជាតិអាមេរិក ដែលអាចរកប្រាក់ចំណូលបានខ្ពស់បំផុតប្រចាំឆ្នាំ២០១៥ គឺ ១៣៥ លានដុល្លារ ។
ទី៤. One Direction មានអាជីពជាតារាច្រៀងជាក្រុមរបស់អាមេរិក ដែអាចរកប្រាក់ចំណូល បានខ្ពស់រហូតដល់ទៅ ១៣០ លានដុល្លារ។
ទី៥. Howard Stern មានអាជីពជាតារាសម្ដែង និង ជាម្ចាស់ប៉ុស្ដិ៍វិទ្យុ...ដែលអាចរកចំណូលបាន ខ្ពស់រហូតដល់ទៅ ៩៥ លានដុល្លារ។
ទី៦. Garth Brooks ដែលជាតារាចម្រៀង និងអ្នកនិពន្ធ ព្រមទាំងជាតន្ដ្រីករផងដែរ ដែលអារកប្រាក់ចំណូលបានខ្ពស់រហូតដល់ទៅ ៩០ លានដុល្លារ។
ទី៧. James Patterson គឺជាកំពូលអ្នកនិពន្ធសៀវភៅដ៏ល្បីឈ្មោះមួយរូបរបស់អាមេរិក ដែលអាចរកចំណូលបានរហូតដល់ទៅ ៨៩ លានដុល្លារ ។
ទី៨. Robert Downey Jr. មានអាជីពជាតារាសម្ដែងខ្សែភាពយន្ដ និងជាផលលិតករមួយរូបផងដែរ ត្រូវបានគេស្គាល់ច្បាស់ក្នុងរឿង Iroin Man ដែលអាចរកបានប្រាក់ចំណូលខ្ពស់បំផុតរហូតដល់ទៅ ៨០ លានដុល្លារ។
ទី៩. Taylor Swift មានអាជីពជាតារាសម្ដែង អ្នកនិពន្ធ និងអ្នកចម្រៀង ដែលអាចរកបានប្រាក់ចំណូលខ្ពស់រហូតដល់ទៅ ៨០ លានដុល្លារ។
ទី១០. Cristiano Ronaldo កីឡាករបាល់ទាត់ក្នុងក្រុម Real Madrid ដែលអាចរកបានប្រាក់ចំណូលខ្ពស់រហូតដល់ទៅ ៧៩ លានដុល្លារ។
ដោយ៖ អឿ អ៊ុយ
ប្រភព៖ http://finance.yahoo.com/