អៀរឡង់ ៖ បើយោងតាមសេចក្តីរាយការណ៍ព័ត៌មាន ដែលទើបតែបានចេញផ្សាយដោយគេហទំព័រសារព័ត៌មានបរទេស huffingtonpost កាលពីពេលកន្លងទៅនេះ បានគូសបញ្ជាក់ថា វីដេអូមួយដែលត្រូវបានថតនិងបង្ហោះចូលគេហទំព័រវីដេអូដ៏ពេញនិយម youtube ដោយដាក់ចំណងជើងថា Monster in Lough Foyle ! ពិតជាបានបង្ក ជាភាពភ្ញាក់ផ្អើលជាខ្លាំងខណៈពេលដែលមន្ទិលសង្ស័យ នៅតែបន្តមាន ថាតើ នៅលើលោកយើងនេះ ពិតជាមានសត្វចម្លែកប្រាកដមែន ឬក៏យ៉ាងណា?
សត្វចម្លែក loch ness monster (រូបភាពឯកសារ)
គួរបញ្ជាក់ផងដែរថា វីដេអូមួយនេះ ត្រូវបានថតជាប់ជាមួយនឹងសកម្មភាពសត្វម៉្យាង ដែលត្រូវបានគេសន្មត់ថាជាសត្វចម្លែក បន្ទាប់ពីវាលេចរូបរាងតែបន្តិចនៅលើផ្ទៃទឹកទន្លេLough Foyle ក្នុងប្រទេសអៀរឡង់ ។ លើសពីនេះ ប្រភពសារព័ត៌មានដដែលបានគូសបញ្ជាក់បន្ថែម អោយដឹងផងដែរថា ពុំទាន់មានប្រភពផ្លូវការណាមួយ អាចបញ្ជាក់អះអាងថា ការលេចឡើងនូវសត្វនោះ ជាប្រភេទសត្វអ្វីនោះទេ តែជាជំហានដំបូង បើតាមប្រភពសារព័ត៌មានដដែល បានឡើងលើកដោយចោទជាសំណួរថា ពិតឬ ថាវាគឺជាសត្វចម្លែក Loch Ness Monster? ៕
ដោយ ៖ ពិសិដ្ឋប្រភព ៖ huffingtonpost