ព័ត៌មានអន្តរជាតិ ៖ ជាការពិត មនុស្សអាចនឹងហ៊ានទទួលអ្វីគ្រប់យ៉ាង ដើម្បីបំពេញនូវសេចក្តីស្រេកឃ្លានរបស់ខ្លួន ដូចករណីនេះស្រាប់ បុរសម្នាក់ត្រូវបានរកអោយឃើញថា បានទទួលទាននូវសត្វកង្កែប ដល់ទៅរយៈពេលជាងមួយខែ ដើម្បីបន្តសង្ខាររបស់ខ្លួន ខណៈពេលដែលវង្វេងលើសមុទ្រខ្សាច់ Escalante Utah ស្របពេលដែលសីតុណ្ហភាពស្មើនឹង ៣៧,៨អង្សាសេ ឯណោះ។
ប្រភពដដែលបានបន្ថែមថា ជនរងគ្រោះរូបនោះ មានឈ្មោះថា លោក William Martin LaFev-er វ័យ ២៨ ឆ្នាំ ត្រូវបានរកអោយឃើញថា ស្គមស្គាំងគ្មានកំលាំងកំហែង និងមិនអាចដើររួចស្របពេលដែលក្រុមមន្រ្តីប៉ូលីស ដើរល្បាតតាមអាកាស បានរកឃើញគាត់អង្គុយនៅក្បែរទន្លេ Escalante River រួចបក់កន្លែងជាសញ្ញា ដើម្បីសុំជំនួយ។
ភ្លាមៗនោះ ក៏មានការអន្តរាគមន៍ ដោយបានបញ្ជូន គាត់ទៅកាន់មន្ទីរពេទ្យ ដើម្បីធ្វើការសង្គ្រោះបន្ទាន់។ ក្រុមមន្រ្តីប៉ូលីសបញ្ជាក់ថា គាត់ពិតជាសំណាងខ្លាំងណាស់ ដែលនៅរស់រានមានជីវិត៕
ដោយ ៖ ពិសីប្រភព ៖ ស្កាយ