ទុគី៖ មានទាហ៊ានទុគីចំនួន ២៥នាក់ ត្រូវបានសម្លាប់ ដោយសារតែ ផ្ទុះគ្រាប់បែកនៅក្នុងឃ្លាំងអាវុធមួយកន្លែង នៅក្នុងទីក្រុង Afyonkarahisar ភាគខាងលិច ប្រទេសទុគី កាលពីថ្ងៃទី៦ ខែកញ្ញា ឆ្នាំ២០១២ ម្សិលមិញ។
យោងតាមសមត្ថកិច្ចនៅកន្លែងហេតុ បានឱ្យដឹងថា នេះគឺជាការផ្ទុះគ្រាប់យ៉ាងខ្លាំងខ្លាមួយដែលបានបង្កឱ្យមានភ្លើងឆេះយ៉ាងសន្ធោសន្ធៅ និងបណ្តាលឱ្យទាហ៊ាន ២៥នាក់ ស្លាប់បាត់បង់ជីវិតនៅកន្លែងកើតហេតុ ក្នុងមួយរំពេច។
ករណីផ្ទុះគ្រាប់បែកខាងលើ គឺជាគ្រោះថ្នាក់ដោយចៃដន្យមួយ ដែលក្រុមអ្នកជំនាញបានរៀបចំ និងប្រមូលគ្រាប់បែកទាំងនោះ ដើម្បីបំផ្ទុះ បំផ្លាញចោល ប៉ុន្តែ គ្រាប់បែកទាំងនោះបានផ្ទុះ មុនការកម្ទេចចោលរបស់អ្នកជំនាញ ទើបបណ្តាលឱ្យ មានគ្រោះថ្នាក់កើតឡើងដូចនេះ៕
ដោយ៖ វណ្ណៈប្រភព៖ news.sky