អន្តរជាតិ ៖ តាមការអោយដឹងពីគេហទំព័រសារព័ត៌មានបរទេស ដែលបានធ្វើការចេញផ្សាយនាពេលកន្លងទៅនេះ បានបញ្ជាក់អោយដឹងថា លោក Chadi Bendjedid អតីតប្រធានាធិបតីអាល់ហ្សេរី បានទទួលមរណៈហើយ កាលពីពេលកន្លងទៅ ដោយសារតែជម្ងឺមហារីក ក្នុងជន្មាយុ៨៣ ឆ្នាំ។
លោក Chadi Bendjedid អតីតប្រធានាធិបតីអាល់ហ្សេរី
លើសពីនេះទៅទៀត របាយការណ៍ដដែលបានបញ្ជាក់បន្ថែមអោយដឹងផងដែរថា លោក Bend-jedid ត្រូវបានបញ្ជូនមកកាន់មន្ទីរពេទ្យយោធា Ain Naajda នាក្រុងអាល់ហ្សៀរ កាលពីជាង ១ សប្តាហ៍មុននេះ តែជាអកុសល មកទល់នឹងពេលនេះលោកត្រូវបានស្លាប់បាត់បង់ជីវិតទៅហើយ ក៏ព្រោះតែជម្ងឺមហារីកដ៏កាចសាហាវ បានឆក់យកជីវិតរបស់លោក។
គួរបញ្ជាក់ផងដែរថា យោងតាមសេចក្តីប្រកាសមួយរបស់ប្រធានាធិបតីចេញផ្សាយនាពេលយប់ថា ការកាន់ទុក្ខជាតិរយៈពេល៨ថ្ងៃមួយត្រូវបានចេញផ្សាយ ។ ប្រភពដដែលនេះគូសបញ្ជាក់ថា សពអតីតប្រធាធិបតីរូបនោះនឹងត្រូវបញ្ជុះនៅក្រុងអាល់ហ្សៀរ នៅឯកន្លែងបញ្ចុះសពអែលអាលីយ៉ា។ គួររំឮកផងដែរថាលោក Chadi Bendjedid គឺជាអតីតប្រធានាធិបតី អាល់ហ្សេរី ពីឆ្នាំ១៩៧៩ ដល់ឆ្នាំ ១៩៩២ ៕
ដោយ ៖ រិទ្ធីប្រភព ៖ aljazeera