ផ្សង​ជីវិត​ទៅ​ឡើង​ភ្នំ ដើម្បី​ថតរូប​អាពាហ៍ពិពាហ៍

គូស្នេហាថ្មីមួយគូ នៅប្រទេសចិន បានយកជីវិតទៅលេងសើច ដោយការឡើងទៅចង្កេះភ្នំថ្ម ប្រកបដោយគ្រោះថ្នាក់ គ្រាន់តែដើម្បីថតរូបមង្គលការ។

ប្ដីប្រពន្ធថ្មីថ្មោងនេះ មានឈ្មោះថា Fang Jing (ប្រពន្ធ) និង Lu Zhao (ប្ដី) គឺជាមនុស្សដែលចូលចិត្តប្រភេទកីឡាខ្ពស់ៗ ដូច្នេះ ពួកគេបានសម្រេចចិត្តបង្កើតអាល់ប៊ុមរូបថតអាពាហ៍ពិពាហ៍មួយដ៏ពិសេស យកលំនាំតាមកីឡាដែលពួកគេចូលចិត្តបំផុត នោះគឺឡើងភ្នំ។

កម្រងរូបថតអាពាហ៍ពិពាហ៍របស់ Fang Jing និង Lu Zhao ត្រូវបានធ្វើឡើងនៅចង្កេះភ្នំថ្ម មួយ ក្នុងតំបន់ Liuzhou ខេត្រ Guangxi ប្រទេសចិន។ កម្រងរូបថតមង្គលការនេះ បង្ហាញឱ្យឃើញថា ពួកគេបានតោងឡើងទៅតាមចង្កេះភ្នំថ្ម ដ៏គ្រោះថ្នាក់បំផុត។ ប្រសិនម្នាក់ ក្នុងចំណោមពួកគេ ត្រូវជួបនឹងគ្រោះថ្នាក់ នោះនឹងមានមនុស្សជាច្រើនត្រូវមានវិប្បដិសារី ក្នុនោះក៏មានស្វាមី ឬភរិយារបស់ពួកគេ។

ក្រៅពីគូស្វាមី ភរិយានេះ ក៏មានក្រុមជាងថតរូបមួយចំនួន ដែលបានផ្សងព្រេងជាមួយគ្នា ក្នុងនោះ ក៏ជាងថតរូប ឈ្មោះ Long Tien គឺជាអ្នកទទួលខុសត្រូវក្នុងការថតរូប។

លោក Long Tien បន្ទាប់ពីបានថតរូបអាពាហ៍ពិពាហ៍នេះ បានថ្លែងថា ៖ “ខ្ញុំពិតជាចូលចិត្តតោងឡើងខ្ពស់ៗ ប៉ុន្ដែមិនដល់ថ្នាក់ដូចគូស្នេហាមួយគូនេះទេ។ អ្វីដែលគួរឱ្យខ្លាចបំផុត គឺនៅពេលត្រូវយោលចុះឡើងនៅលើខ្សែ។