សឹង្ហបុរី ៖ ឡានក្រុងមួយ ត្រូវក្រុមសារព័ត៌មានរាយការណ៍អោយដឹងថា បានឆាប់ឆេះយ៉ាងសន្ធោសន្ធៅ ដោយមិនដឹងមូលហេតុ កាលពីរាត្រីយប់មិញ នៅតាមបណ្តោយផ្លូវមួយកន្លែងក្នុងប្រទេសសឹង្ហបុរី នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស អាស៊ីវ័ន ។
យ៉ាងណាមិញ បើយោងតាមសម្តីសាក្សី ដែលបានឃើញហេតុការណ៍មួយនេះ បានអោយដឹងថា ដើមឡើយគេឃើញមានផ្សែងខ្មួរខ្មាញ់ ហុយចេញពីផ្នែកខាងមុខ ខណៈពេលដែលបន្តិចក្រោយមក ក៏បានឆាបឆេះផ្នែកខាងមុខ និងរាលដាល ពេញតួឡានតែម្តង។
លើសពីនេះ ប្រភពសារព័ត៌មានដដែល បានបញ្ជាក់បន្ថែមអោយដឹងផងដែរថា ករណីមួយនេះ បានកើតឡើងកាលពីយប់មិញនេះ វេលាម៉ោង ប្រមាណជាង ១១ និង ២០ នាទីរំលងអធ្រាត្រ។ ដោយឡែក មិនទាន់មានប្រភពច្បាស់ការណ៍ណាមួយ បញ្ជាក់អោយដឹងថាតើអ្នកបើករថយន្តក្រុងរូបនោះ របួសឬក៏យ៉ាងណានោះទេ ខណៈពេលដែលការតាមដានស៊ើបអង្កេតនៅតែបន្តមាន ដើម្បីរកមូលហេតុពិតនៃការឆាបឆេះ៕
ដោយ ៖ រិទ្ធីប្រភព ៖ អាស៊ីវ័ន